გაცილებით სწრაფი და ნაკლებად ინვაზიური და ხელმისაწვდომი, ვიდრე ქირურგიული ბიოფსია – მეცნიერებმა თავის ტვინის კიბოს დაფიქსირების ახალი მეთოდი შეიმუშავეს.
მეცნიერების მიერ შემუშავებული ახალი მეთოდი გამოიყენება ტვინის კიბოს, კერძოდ გლიობლასტომის, დასაფიქსირებლად და წარმოადგენს ქირურგიული ბიოფსიის ალტერნატივას. მეცნიერების განმარტებით, საჭიროა მხოლოდ 100 მიკროლიტრი სისხლი და მხოლოდ ერთი საათი, რომ დააფიქსიროს ტვინის ყველაზე გავრცელებული და მომაკვდინებელი ტიპის, გლიობლასტომასთან დაკავშირებული ბიომარკერები.
ეცნიერები ამბობენ, რომ აღნიშნული უახლესი მეთოდი საუკეთესოა და გლიობლასტომის ყველა ამჟამინდელ ტესტს და მარკერს გაუმჯობესებული სიზუსტით სჯობნის. რევოლუციური მეთოდი ამერიკელ და ავსტრალიელ მკვლევართა ჯგუფმა შექმნა, რომელსაც აშშ-ის ნოტრ-დამის უნივერსიტეტის მეცნიერები ხელმძღვანელობდნენ. მკვლევართა ჯგუფის განმარტებით, მათი კონცეფციის მტკიცებულება ჯერ სრულყოფილი არ არის, თუმცა მნიშვნელოვანი წინ გადადგმული ნაბიჯია დიაგნოსტიკაში.
ტესტი ეფუძნება სისხლის მუტირებული ბიომარკერების შეგრძნებას, რომელსაც ეპიდერმულ ზრდის ფაქტორ რეცეპტორებს უწოდებენ და რომლებიც ზედმეტად გამოხატულია გლიობლასტომაში. სიმსივნურ უჯრედთა მიერ გამოყოფილი მოლეკულების დასაფიქსირებლად, მკვლევრებმა სუპერმგრძნობიარე ბიოჩიპი სისხლის პლაზმის დაუმუშავებელ ნიმუშში ჩადეს. ეს ჩიპი 2 დოლარზე იაფი ღირს და აღჭურვილია საწერი კალმის ბურთულის ზომის უპატარავესი სენსორით. მეცნიერების თქმით, ინტერფეისი შეიცავს ანტისხეულებს, რომლებიც მუტირებული EGFR-ების ეგზოსომებზეა გათვლილი.
მასალის გამოყენების პირობები
