შაბათი, ივლისი 20, 2024
- Advertisement -spot_img
მთავარისამინისტრო„რეკორდული მაჩვენებლებია როგორც ტურიზმის, ისე ავიაციის სექტორებში“

„რეკორდული მაჩვენებლებია როგორც ტურიზმის, ისე ავიაციის სექტორებში“

„ტურიზმის სექტორში წელს პირველი კვარტლის მონაცემებით რეკორდული მაჩვენებელი ფიქსირდება ყველა პარამეტრით, მათ შორის ვიზიტების რაოდენობის და მიღებული შემოსავლებით კუთხით“.

ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა მთავრობის ადმინისტრაციაში გამართულ ბრიფინგზე ისაუბრა. ლევან დავითაშვილმა კონკრეტულ სტატისტიკურ მონაცემებზე დაყრდნობით შეაფასა ტურიზმისა და ავიაციის სექტორებში დღეს არსებული სურათი და ასევე ზაფხულის სეზონის წარმატებით ჩატარების პერსპექტივები.

„ტურიზმის სექტორში არსებული დადებითი დინამიკა მათ შორის უკავშირდება სწორ საავიაციო პოლიტიკას, მაგალითად – მიმდინარე წლის განმავლობაში დაგეგმილი გვაქვს 13600-ზე მეტი ავიარეისის განხორციელება სხვადასხვა მიმართულებით. ჩვენ მაქსიმალურად შევძელით ტურისტულ ბაზარზე დივერსიფიცირება და ტრადიციულ ბაზრებზე გეოპოლიტიკური ვითარებიდან გამომდინარე, კლების შესაძლებლობის მიუხედავად, ორგანიზებული, თანმიმდევრული მუშაობის შედეგად გავააქტიურებთ მუშაობა ახალ, ძალიან საინტერესო ბაზრებზე – ეს არის სპარსეთის ყურის ქვეყნები, ახლო აღმოსავლეთის ქვეყნებთან ერთად ასევე სამხრეთ-აღმოსავლეთ აზიის ქვეყნები – ინდოეთი და ჩინეთი“, – განაცხადა ეკონომიკის მინისტრმა.

როგორც ლევან დავითაშვილმა აღნიშნა, მისი უწყება აქტიურად მუშაობს და მაქსიმალურად უწყობს ხელს, რომ საქართველოდან მეტი პირდაპირი ავიაკავშირები არსებობდეს პოტენციურად საინტერესო ტურისტულ დანიშნულებებთან. მინისტრის შეფასებით, ამ კუთხით გაწეული სამუშაო უკვე კონკრეტულ რიცხვებსა და პოზიტიურ დინამიკაში აისახა – შესაბამისად, პირველი კვარტლის მონაცემებით, რეკორდული მაჩვენებლებია როგორც ტურიზმის, ისე ავიაციის სექტორებში. კერძოდ, ისტორიული მაქსიმუმი – 807.7 მლნ ამერიკული დოლარის შემოსავალი მიიღო ბიუჯეტმა ტურიზმის სექტორიდან, რითაც გაუმჯობესდა არამარტო გასული წლის შედეგი, არამედ მოხდა პანდემიამდელი მონაცემების აღდგენა და გაუმჯობესება. წელს პირველი კვარტლის მონაცემებით, საქართველომ 1,3 მლნ-ზე მეტ საერთაშორისო მოგზაურს უმასპინძლა, რაც 2023 წელთან შედარებით 7,6% ზრდაა. ამავე პერიოდში ასევე ისტორიული მაქსიმუმი – 938,644 საერთაშორისო ტურისტი დაფიქსირდა.

რაც შეეხება ავიაციის სექტორში არსებულ სურათს – მნიშვნელოვნად იზრდება პირდაპირი ავიარეისების რაოდენობა, სიხშირეები და შესაბამისად, მგზავრთნაკადის მაჩვენებელი. არსებული პროგნოზით, 2024 წლის ზაფხულის სანავიგაციო სეზონზე 13 600 ავიარეისი შესრულდება, რაც ასევე ისტორიული მაქსიმუმი იქნება.

„ტურიზმიდან წელს მიღებული შემოსავლის მაჩვენებლები 2023 წლის მონაცემებს 36%-ით აღემატება და ეს გვაძლევს იმის იმედს, რომ ჩვენს ეკონომიკაში ტურიზმის სექტორიდან დაგეგმილ 4.5 მლრდ აშშ დოლარის შემოსავალს მივიღებთ. თუმცა, იმედი მაქვს, რომ წლის განმავლობაში ამ გეგმაზე უფრო კარგი ფაქტობრივი შედეგები გვექნება. ასე რომ, ეს სექტორი საკმაოდ დინამიკურად ვითარდება, ვფიქრობ, ზაფხულის ტურისტული სეზონი ასევე საინტერესოდ და წარმატებით წარიმართება“, – განაცხადა ლევან დავითაშვილმა.

ამასთან, ეკონომიკის მინისტრმა მადლობა გადაუხადა ყველას, ვინც კერძო სექტორთან ერთად ჩართული იყო ტურიზმის სექტორის განვითარების მიზნით ჩატარებულ ღონისძიებებსა და კამპანიებში და ტაქტიკურ გადაწყვეტილებებს იღებდნენ. ლევან დავითაშვილის განცხადებით, ამ მიმართულებით გაწეული სამუშაო მეტი მოქნილობის და მოკლევადიან პერსპექტივაში იმ გამოწვევების კომპენსირების საშუალებას იძლევა, რომლებიც რეგიონში იქმნება ხოლმე.

მასალის გამოყენების პირობები
მსგავსი სიახლეები
რჩევები ბუდაპეშტში სამოძრაოდ

რჩევები ბუდაპეშტში სამოძრაოდ

18 July, 2024
“აკრედიტაცია კანადის” მრჩეველმა ბათუმში, სამედიცინო გაერთიანება ,,მედცენტრის” ჰოსპიტლებში, ტრენინგი გამართა

“აკრედიტაცია კანადის” მრჩეველმა ბათუმში, სამედიცინო გაერთიანება ,,მედცენტრის” ჰოსპიტლებში, ტრენინგი გამართა

ივლისი 19, 2024
საქართველოს ნაკრების მორიგი რეკორდი – „ჯვაროსნების“ სატრანსფერო ფასი 185 მილიონ ევრომდე გაიზარდა

საქართველოს ნაკრების მორიგი რეკორდი – „ჯვაროსნების“ სატრანსფერო ფასი 185 მილიონ ევრომდე გაიზარდა

19 ივლისი 2024
5 ფერი საბავშვო ოთახის მოსაწყობად — ფსიქოლოგების რჩევები

5 ფერი საბავშვო ოთახის მოსაწყობად — ფსიქოლოგების რჩევები

ივლისი 9, 2024
აჭარაში თევზეულის ახალი სახელმძღვანელო დაიბეჭდა

აჭარაში თევზეულის ახალი სახელმძღვანელო დაიბეჭდა

ივლისი 13, 2024
ოსკარ შმერლინგის „წარმავალი ტფილისი“ ეროვნული არქივის ვებგვერდზეა ხელმისაწვდომი

ოსკარ შმერლინგის „წარმავალი ტფილისი“ ეროვნული არქივის ვებგვერდზეა ხელმისაწვდომი

12 ივლისი 2024
21 მარტის ასტროლოგიური პროგნოზი

21 მარტის ასტროლოგიური პროგნოზი

მარტი 21, 2024
როგორი უნდა იყოს იდეალური ცილოვანი საუზმე

როგორი უნდა იყოს იდეალური ცილოვანი საუზმე

ივლისი 16, 2024
ბებიების დანატოვარი რჩევები – სწორ კვებასა და სილამაზეზე

ბებიების დანატოვარი რჩევები – სწორ კვებასა და სილამაზეზე

ივლისი 16, 2024
ინდოელი ბიზნესმენის შვილის შთამბეჭდავი ქორწილი, რომელიც $160 მილიონი დაჯდა

ინდოელი ბიზნესმენის შვილის შთამბეჭდავი ქორწილი, რომელიც $160 მილიონი დაჯდა

15 ივლისი 2024
რატომ ჩაიშალა თბილისის გერბისა და დროშის შესარჩევი კონკურსი

რატომ ჩაიშალა თბილისის გერბისა და დროშის შესარჩევი კონკურსი

ივლისი 14, 2024
- Advertisement -spot_img

ბოლო სიახლეები