ორშაბათი, მაისი 20, 2024
კლოსტილბეგიტი

კლოსტილბეგიტი

კლოსტილბეგიტი®
CLOSTILBEGIT® შემადგენლობა თითო ტაბლეტი შეიცავს აქტიური ნივთიერების კლომიფენ ციტრატის 50 მგ-ს.
ტაბლეტი აგრეთვე შეიცავს: ჟელატინს, ლაქტოზას, მაგნიუმის სტეარატს, კარტოფლის სახამებელს, სტეარინის მჟავას, ტალკს.
ფარმაკოთერაპიული ჯგუფი: არასტეროიდული ანტიესტროგენული საშუალება
ათქ კოდი C03GB02 ჩვენებები პრეპარატის აქტიური ნივთიერება ესტროგენების ანტაგონისტია, რომელიც ახდენს ოვულაციის სტიმულირებას.
გამოიყენება: ქალებში უშვილობის ზოგიერთი სახის სამკურნალოდ და ორსულობის ინდუქციისთვის. პრეპარატი, ასევე, გამოიყენება მენსტრუალური ფუნქციის დარღვევის ზოგიერთი სახის სამკურნალოდ.
კლოსტილბეგიტი შეიძლება გამოიყენებოდეს ოლიგოსპერმიის სამკურნალოდ. უკუჩვენებები • მომატებული მგრძნობელობა (ალერგია) პრეპარატის აქტიური ან სხვა რომელიმე კომპონენტის მიმართ.
• ორსულობა.
• ღვიძლის დაავადება ან მისი ფუნქციის მოშლა.
• საკვერცხის კისტა (საკვერცხეების პოლიკისტოზის სინდრომის გარდა).
• ჰიპოფიზის ფუნქციის დაქვეითება.
• ფარისებრი ჯირკვლის ან თირკმელზედა ჯირკვლის ფუნქციის დარღვევა.
• გაურკვეველი წარმოშობის სისხლდენა.
• მხედველობის დარღვევა (ახლახან განვითარებული ან აღნიშნული ანამნეზში).
• ახალწარმონაქმნები. განსაკუთრებული მითითებები საჭიროა ღვიძლის ფუნქციის, ჰორმონალური სტატუსისა და გონადოტროპინების შარდით ექსკრეციის კონტროლი, რეკომენდირებულია სრულყოფილი გინეკოლოგიური გამოკვლევა კლოსტილბეგიტის დანიშვნამდე. პაციენტმა, ექიმის რეკომენდაციით, უნდა ჩაიტაროს ღვიძლის ფუნქციის რეგულარული გამოკვლევები და საკვერცხეების ზომების კონტროლი. ეს საკონტროლო გამოკვლევები მნიშვნელოვანია მკურნალობის ეფექტურობის შესაფასებლად.
მკურნალობა უნდა წარიმართოს მხოლოდ გინეკოლოგის მუდმივი მეთვალყურეობის ქვეშ.
მუცლის არეში ტკივილის არსებობის შემთხვევაში აუცილებელია ექიმის კონსულტაცია. იგი განსაზღვრავს პრეპარატის შემდგომ მისაღებ დოზას და მკურნალობის ხანგრძლივობას.
პრეპარატ კლოსტილბეგიტით მკურნალობის წარმატებულად დასრულების შემდეგ შეიძლება დაინიშნოს პროგესტერონი.

თითო ტაბლეტი შეიცავს ლაქტოზის 100 მგ-ს. ეს უნდა გათვალისწინებულ იქნას ლაქტოზის აუტანლობის შემთხვევაში.

ტაბლეტები მიიღება დღეში ერთხელ ჭამამდე. ორსულობა და ლაქტაციის პერიოდი დაორსულების შემდეგ საჭიროა კლოსტილბეგიტის შეწყვეტა.
კლომიფენი გამოიყოფა დედის რძეში. მისი მიღება ძუძუთი კვების დროს საჭიროებს რისკისა და სარგებელის ზედმიწევნით ანალიზს. ავტოტრანსპორტისა და მექანიზმების მართვა მკურნალობის კურსის დასაწყისში შესაძლებელია მხედველობის დაქვეითება, ამიტომ არ არის რეკომენდირებული სატრანსპორტო საშუალებებისა და მექანიზმების მართვა. მიღების წესი და დოზირება: მკურნალობის ხანგრძლივობა და დოზა მკაცრად ინდივიდუალურია, ვინაიდან ეფექტი დამოკიდებულია საკვერცხეების მგრძნობელობაზე (რეაქტიულობაზე). შენარჩუნებული მენსტრუალური ციკლის შემთხვევაში რეკომენდირებულია მკურნალობის დაწყება ციკლის მე-5 დღიდან (ან ადრეული ოვულატორული/ფოლიკულური ფაზის მე-3 დღეს 12 დღეზე ნაკლები ხანგრძლივობით). ამენორეის შემთხვევაში მკურნალობა შეიძლება დაიწყოს ნებისმიერ დღეს.
მკურნალობის I კურსი: 50 მგ 5 დღის განმავლობაში საკვერცხეების რეაქციის კონტროლით, კლინიკური და ლაბორატორული გამოკვლევების საშუალებით. ჩვეულებრივ, ოვულაცია ხდება ციკლის მე-11 და მე-15 დღეებს შორის.
მკურნალობის II კურსი: მკურნალობის I კურსის წარუმატებლობის შემთხვევაში ინიშნება II კურსი: კლოსტილბეგიტი – 100 მგ ყოველდღიურად 5 დღის განმავლობაში, დაწყებული შემდეგი ციკლის მე-5 დღიდან. ოვულაციის არ არსებობის შემთხვევაში საჭიროა იგივე კურსის განმეორება (100 მგ-ით). 3-თვიანი შესვენების შემდეგ შესაძლებელია დამატებითი 3-თვიანი კურსის ჩატარება. დადებითი ეფექტის არ არსებობის შემთხვევაში, მკურნალობის შემდგომ გაგრძელებას არ აქვს აზრი. მკურნალობის I კურსის განმავლობაში მიღებული დოზა არ უნდა აღემატებოდეს 750 მგ-ს.
საკვერცხეების პოლიკისტოზის სინდრომისას, ჰიპერსტიმულაციისადმი ტენდენციის გამო, საწყისი დოზა უნდა იყოს შემცირებული (25 მგ დღე-ღამეში).
პოსტკონტრაცეპტიული ამენორეის შემთხვევაში ინიშნება 50 მგ დღე-ღამეში, ხუთდღიანი კურსი.
ოლიგოსპერმიის დროს ინიშნება 50 მგ დღეში 6 კვირის განმავლობაში. ჭარბი დოზირება სიმპტომები: გულისრევა, ღებინება, ვაზომატორული წამოხურებები, მხედველობის დარღვევა (მხედველობის სიმახვილის დარღვევა, სცინტილირებადი სკოტომა), საკვერცხეების ზომაში მატება და მენჯისა და მუცლის ღრუს ორგანოების ტკივილი.
აქტიური ნივთიერების მოხსნის შემდეგ რეკომენდირებულია შემანარჩუნებელი მკურნალობა.
მონაცემები დიალიზის საშუალებით პრეპარატის ორგანიზმიდან გამოდევნის შესახებ არ არის. კლოსტილბეგიტის მიღების დავიწყებისას არ შეიძლება ორმაგი დოზის მიღება გამოტოვებული დოზის ასანაზღაურებლად. გვერდითი მოვლენები ხშირი გვერდითი მოვლენები: ალები, გულისრევა, ღებინება, თავის ტკივილი, თავბრუსხვევა, დაღლილობა, მხედველობის დარღვევა (ფოტოფსიები, მხედველობის სიმახვილის დაქვეითება, ფოტოფობია), სარძევე ჯირკვლების მტკივნეულობა, მენჯისა და მუცლის ღრუს ორგანოების ტკივილი, დისმენორეა, აციკლური სისხლდენა, საკვერცხეების გადიდება.
იშვიათი გვერდითი მოვლენები: ყაბზობა, ფაღარათი, დაღლილობა, დაძაბულობის შეგრძნება, თაბრუსხვევა, დეპრესია, უძილობა, გამონაყარი კანზე, ჭინჭრის ციება, ალერგიული დერმატიტი, თმის შექცევადი ცვენა, მადის გაძლიერება, წონის მომატება ან დაკლება, საშოს სიმშრალე, შარდის გამოყოფის გაძლიერება ან ხშირი შარდდენა.
ალები წყდება პრეპარატის მოხსნის შემდეგ. შეიძლება აღინიშნებოდეს საკვერცხეების კისტოზური გადიდება, განსაკუთრებით შტეინ-ლევენტალის სინდრომისას. საკვერცხეები შეიძლება გადიდდეს 4-8 სმ-მდე; ასეთ შემთხვევებში საჭიროა სხეულის ბაზალური ტემპერატურის კონტროლი და მკურნალობის შეწყვეტა ტემპერატურის ორფაზიანი მრუდის გამოვლენისას.
ნებისმიერი გვერდითი მოვლენის განვითარების შემთხვევაში, რომელიც არ არის მითითებული ამ ინსტრუქციაში, გთხოვთ მიმართოთ ექიმს ან ფარმაცევტს. გამოშვების ფორმა 10 ტაბლეტი ყავისფერი შუშის ფლაკონში.
ფლაკონი მოთავსებულია მუყაოს კოლოფში გამოყენების ინსტრუქციასთან ერთად. შენახვის პირობები ინახება ოთახის ტემპერატურაზე 15-25C., ბავშვებისათვის მიუწვდომელ ადგილას. ვარგისიანობის ვადა ვარგისიანობის ვადა მითითებულია შეფუთვაზე. პრეპარატი არ გამოიყენება შეფუთვაზე ნაჩვენები ვარგისიანობის ვადის გასვლის შემდეგ. აფთიაქიდან გაცემის პირობები რეცეპტით. მწარმოებელი ფარმაცევტული ქარხანა ეგისი ს.ს.
1106 ბუდაპეშტი, ქ. კერესტური, 30-38
უნგრეთი
ტელეფონი: (36-1) 265-5555
ფაქსი: (36-1) 265-5529

EGIS PHARMACEUTICALS LTD
1106 Budapest, Keresturi st. 30-38.
HUNGARY
Tel.: (36-1) 265-5555
Fax: (36-1) 265-5529
მასალის გამოყენების პირობები
Verified by MonsterInsights