შაბათი, მარტი 29, 2025
- Advertisement -spot_img
მთავარიUncategorizedაშშ-ში დაამტკიცეს რესპირატორულ-სინციტიური ვირუსის ვაქცინა, რომელიც ჩვილებს დედის მუცელში დაიცავს

აშშ-ში დაამტკიცეს რესპირატორულ-სინციტიური ვირუსის ვაქცინა, რომელიც ჩვილებს დედის მუცელში დაიცავს

28/08/2023

ავტორი: ირინა დათაშვილი

#datashvil

აშშ მსოფლიოში პირველი ქვეყანა გახდა, რომელმაც ორსული ქალებისთვის დაამტკიცა ვაქცინა, რომელიც მათ ჩვილებში რესპირატორულ-სინციტიური ვირუსით (RSV) გამოწვეული მწვავე დაავადების პრევენციას ახდენს.


Pfizer-ის ვაქცინამ, რომელიც უკვე დამტკიცებულია ზრდასრულებისთვის, ახლა მწვანე შუქი მიიღო ერთჯერადი ინიექციის სახით 32-36 კვირის ორსულებში გამოყენებისთვის, რათა ბავშვები დაბადებიდან ექვსი თვის განმავლობაში დაიცვას.


ამ საკმაოდ გავრცელებული მიკრობის წინააღმდეგ ბოლო პერიოდში მრავალი მედიკამენტი დაამტკიცეს. ამ ვირუსის გამო, მხოლოდ აშშ-ში წელიწადში ათობით ათასი ადამიანი ხვდება საავადმყოფოში.


რესპირატორულ-სინციტიური ვირუსის (RSV) ვაქცინაზე მუშაობა მეცნიერებმა 1960-იან წლებში დაიწყეს, მაგრამ წინსვლა მხოლოდ ათი წლის წინ მომხდარი სამეცნიერო გარღვევის წყალობით გახდა შესაძლებელი.


„RSV ბავშვებში ავადმყოფობის გამომწვევი საკმაოდ გავრცელებული მიზეზია; განსაკუთრებით მწვავე დაავადების რისკის ქვეშ არიან ჩვილები, რომლებიც შეიძლება საავადმყოფოშიც მოხვდნენ. ვაქცინა ორსული ქალებისთვის მნიშვნელოვანი ვარიანტია სიცოცხლისთვის პოტენციურად საშიში ამ დაავადებისგან დასაცავად“, — ამბობს აშშ-ის სურსათისა და მედიკამენტების ადმინისტრაციის (FDA) ბიოლოგიური შეფასებისა და კვლევის ცენტრის დირექტორი პიტერ მარკსი.


კლინიკურ ცდებში 7000 ორსული მონაწილეობდა, რომელმაც აჩვენა, რომ Pfizer-ის ვაქცინამ, სახელად Abrysvo-მ RSV-ით გამოწვეული მწვავე დაავადება 82 პროცენტით შეამცირა 0-დან 3 თვემდე ჩვილებში და 69 პროცენტით 0-დან 6 თვემდე ჩვილებში.


ვაქცინა Abrysvo აქამდე FDA-ს დამტკიცებული ჰქონდა 60 წელს ზემოთ ადამიანებისთვის; ასევე დამტკიცებულია კომპანია GSK-ის მიერ წარმოებული ვაქცინა, სახელად Arexvy.


მიუხედავად იმისა, რომ ჩვილებსა და პატარა ბავშვებში RSV უმეტეს შემთხვევაში მსუბუქ, გაციების მსგავს სიმპტომებს იწვევს, ასევე შეიძლება გამოიწვიოს უფრო სერიოზული დაავადებები, მაგალითად, პნევმონია და ბრონქიოლიტი.


აშშ-ის დაავადებათა კონტროლისა და პრევენციის ცენტრის მონაცემებით, RSV ინფექციის გამო, აშშ-ში წელიწადში დაახლოებით 58 000-80 000 ხუთ წლამდე ბავშვი ხვდება საავადმყოფოში; შედეგად, ის ჩვილებში ჰოსპიტალიზების ერთ-ერთი მთავარი მიზეზია.


ორსულებში, რომლებსაც Abrysvo გაუკეთეს, გვერდით ეფექტებს შორის ყველაზე ხშირად დაფიქსირდა ნანემსარი ადგილის ტკივილი, თავის ტკივილი, კუნთების ტკივილი და გულისრევა.


აცრილ ორსულთა 1,8 პროცენტში დაფიქსირდა სისხლის წნევის აშლილობა, სახელად პრეეკლამფსია. მათში, ვინც პლაცებო მიიღო, ეს მაჩვენებელი 1,4 პროცენტი იყო.


FDA ასევე იუწყება ნაადრევ მშობიარობაში დისბალანსს ვაქცინა და პლაცებომიღებულ ჯგუფებს შორის (5,7 პროცენტი VS 4,7 პროცენტი), მაგრამ აღნიშნავს, რომ ნიმუშის ზომა მცირე იყო და ეს თემა შემდეგში შესწავლის საგანია.


წლის დასაწყისში, მსოფლიოს სხვადასხვა მარეგულირებლებმა დაამტკიცეს ანტისხეულების მედიკამენტი, სახელად Beyfortus-ი, რომელიც Sanofi-მ და AstraZeneca-მ შექმნეს; ეს გახლავთ პრევენციული სამკურნალო საშუალება, რომელიც ჩვილებისა და პატარა ბავშვების დასაცავად ვაქცინის მსგავსად მოქმედებს.


მომზადებულია Agence France-Presse-ის მიხედვით.



Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе


https://youtube.com/@drpkhakadze


წყარო: https://1tv.ge/news/ashsh-shi-daamtkices-respiratorul-sincitiuri-virusis-vaqcina-romelic-chvilebs-dedis-mucelshi-daicavs-1tvmecniereba/?fbclid=IwAR0E1aYaNRvlwfmV2PKyvDreVmnp2B59uLqAlGFVRIhnlR1vh85t12YPbE8


მასალის გამოყენების პირობები
  ღვიძლის უკმარისობის პროგნოზი არაკეთი­ლ­სა­იმე­დოა, გამოსავალი ფატალურია, თუ არ ტარდება მკურნალობა ან დაავადება პროგრესი­რებს
მსგავსი პოსტები
რჩევები ტაჯიკეთში მოგზაურობამდე

რჩევები ტაჯიკეთში მოგზაურობამდე

27 March, 2025
ჰერპესის ვირუსი ტვინში უფრო მარტივად აღწევს, ვიდრე აქამდე ვიფიქრებდით!

ჰერპესის ვირუსი ტვინში უფრო მარტივად აღწევს, ვიდრე აქამდე ვიფიქრებდით!

მარტი 28, 2025
იაფი და მოსახერხებელი – “ერთჯერადი” ავეჯი

იაფი და მოსახერხებელი – “ერთჯერადი” ავეჯი

მარტი 28, 2025
29-30 მარტს საქართველოს ზოგიერთ, ხოლო 31 მარტს უმეტეს რაიონში მოსალოდნელია ხანმოკლე წვიმა და ელჭექი

29-30 მარტს საქართველოს ზოგიერთ, ხოლო 31 მარტს უმეტეს რაიონში მოსალოდნელია ხანმოკლე წვიმა და ელჭექი

მარტი 28, 2025
“ერთადერთი ვაჟი ვერ გადაარჩინა” – ჯუნა დავითაშვილის ტრაგიკული ბედი, დაწყევლილი მემკვიდრეობა და წარუმატებელი ქორწინება ქართველ საჯარო მოხელესთან

“ერთადერთი ვაჟი ვერ გადაარჩინა” – ჯუნა დავითაშვილის ტრაგიკული ბედი, დაწყევლილი მემკვიდრეობა და წარუმატებელი ქორწინება ქართველ საჯარო მოხელესთან

21 თებერვალი 2025
თბილისის ფუნიკულიორი 120 წლისაა

თბილისის ფუნიკულიორი 120 წლისაა

მარტი 27, 2025
21 მარტის ასტროლოგიური პროგნოზი

21 მარტის ასტროლოგიური პროგნოზი

მარტი 21, 2024
ამ ფხალეულის მიღება გაზაფხულზე აუცილებელია – ნახეთ, რატომ!

ამ ფხალეულის მიღება გაზაფხულზე აუცილებელია – ნახეთ, რატომ!

მარტი 29, 2025
სახის ნიღაბი სეზონური ხილით – ბუნებრივი სილამაზის საიდუმლო

სახის ნიღაბი სეზონური ხილით – ბუნებრივი სილამაზის საიდუმლო

მარტი 28, 2025
იტალიის საიდუმლო ტბები – კომოს უკეთესი ალტერნატივები ტურისტული ხმაურის გარეშე

იტალიის საიდუმლო ტბები – კომოს უკეთესი ალტერნატივები ტურისტული ხმაურის გარეშე

28 მარტი 2025
130 წლის შემდეგ „ნავარელი ქალი“ თბილისის ოპერისა და ბალეტის თეატრის სცენაზე ბრუნდება

130 წლის შემდეგ „ნავარელი ქალი“ თბილისის ოპერისა და ბალეტის თეატრის სცენაზე ბრუნდება

მარტი 29, 2025
საქართველოს ეროვნულ ბანკსა და ჩინეთის ცენტრალურ ბანკს შორის მემორანდუმი გაფორმდა — რა ცვლილებები გველოდება საბანკო სფეროში

საქართველოს ეროვნულ ბანკსა და ჩინეთის ცენტრალურ ბანკს შორის მემორანდუმი გაფორმდა — რა ცვლილებები გველოდება საბანკო სფეროში

მარტი 29, 2025
მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

თებერვალი 4, 2025
- Advertisement -spot_img

ხშირად ნახვადი