SheniAmbebi.ge | პილოტებსა და ბორტგამცილებლებს სიმსივნით გარდაცვალების რისკი 50%-ით მაღალი აქვთ

პილოტებსა და ბორტგამცილებლებს სიმსივნით გარდაცვალების რისკი 50%-ით მაღალი აქვთ — კვლევა

ბოლო განახლება: 28 სექტემბერი 2026 9:10 pm

ავტორი

1 წუთიანი წაკითხვა

ინფექციონისტმა მაია ბუწაშვილმა სოციალურ ქსელში მნიშვნელოვანი სამედიცინო კვლევის შედეგები გაავრცელა, რომელიც პროფესიასა და ონკოლოგიური დაავადებებით გამოწვეული სიკვდილის რისკს შორის კავშირს იკვლევს.

სამეცნიერო ჟურნალ JAMA Internal Medicine-ში გამოქვეყნებული კვლევის ფარგლებში მეცნიერებმა 503 სხვადასხვა პროფესიის წარმომადგენლის 12,7 მილიონი გარდაცვალების შემთხვევა გააანალიზეს. შედეგები გასაკვირი აღმოჩნდა: საავიაციო სფეროს თანამშრომლებს — პილოტებსა და ბორტგამცილებლებს — სხვა პროფესიებთან შედარებით მნიშვნელოვნად მაღალი ონკოლოგიური რისკი გააჩნიათ.

კერძოდ, ძუძუს, პროსტატის და ცენტრალური ნერვული სისტემის სიმსივნეებით, ასევე მელანომითა და ლეიკემიით სიკვდილის ალბათობა ამ ჯგუფში საშუალო მაჩვენებელს 50%-ით აღემატება. კვლევის ავტორები ამ განსხვავების ორ ძირითად მიზეზს ასახელებენ: პირველი — მაიონიზებელი, ანუ კოსმოსური გამოსხივება, რომელსაც საჰაერო ეკიპაჟები განსაკუთრებით ხანგრძლივად ემუქრებიან; მეორე — ღამე-დღის ბიოლოგიური რიტმის სისტემატური დარღვევა, რაც ტრანსკონტინენტური და ღამის რეისებისას გარდაუვალია.

ეს მონაცემები კიდევ ერთხელ ამახვილებს ყურადღებას სამუშაო გარემოს გავლენაზე გრძელვადიან ჯანმრთელობაზე და შეიძლება სამომავლოდ საჰაერო ეკიპაჟების პრევენციული სამედიცინო მეთვალყურეობის გაძლიერების საფუძველი გახდეს.

- Advertisement -

Sheni Ambebi News

წყარო: primetime.ge

სკანირება
QR კოდი

sheniekimi.ge/ambebi

სტატიის ციტირება

შენი ამბები. (2026). პილოტებსა და ბორტგამცილებლებს სიმსივნით გარდაცვალების რისკი 50%-ით მაღალი აქვთ — კვლევა. 28 სექტემბერი, 2026. https://sheniekimi.ge/ambebi/პილოტებსა-და-ბორტგამცილე/

ამ სტატიის ციტირება (Vancouver)

პილოტებსა და ბორტგამცილებლებს სიმსივნით გარდაცვალების რისკი 50%-ით მაღალი აქვთ — კვლევა [Internet]. თბილისი: Sheniekimi/ambebi.ge; 2026 [ციტირებულია: 2026 სექ 28]. ხელმისაწვდომია: https://sheniekimi.ge/ambebi/%e1%83%9e%e1%83%98%e1%83%9a%e1%83%9d%e1%83%a2%e1%83%94%e1%83%91%e1%83%a1%e1%83%90-%e1%83%93%e1%83%90-%e1%83%91%e1%83%9d%e1%83%a0%e1%83%a2%e1%83%92%e1%83%90%e1%83%9b%e1%83%aa%e1%83%98%e1%83%9a%e1%83%94/

sheniekimi.ge/ambebi

VIDEO: საქართველოს ისტორიის ყველაზე ცოდვიანი და ბობოქარი სიყვარულის ამბავი