საფრანგეთი საწვავის ფასების კრიზისს უმკლავდება — ქვეყანაში დიზელის ღირებულებამ ახალი ისტორიული რეკორდი დაამყარა. Le Figaro-ს ინფორმაციით, ერთი ლიტრი დიზელის საშუალო ფასი 2,39 ევროს გადააჭარბა.
მონაცემები საფრანგეთის ეკონომიკის სამინისტრომ გამოაქვეყნა, რომელიც ქვეყნის 9 000-ზე მეტ ავტოგასამართ სადგურზე ყოველდღიურად აგროვებს ფასებს. AFP-მ სწორედ ამ ოფიციალური მონაცემების საფუძველზე გამოთვალა საშუალო მაჩვენებელი.
წინა რეკორდი 2026 წლის აპრილში დაფიქსირდა, როდესაც დიზელი ლიტრად 2,38 ევროზე ოდნავ მეტი ღირდა. ახალმა მაჩვენებელმა ეს ნიშნული გადააჭარბა.
განსაკუთრებით მაღალი ფასები ქვეყნის ცალკეულ რეგიონებში დაფიქსირდა — 700-ზე მეტ სადგურზე დიზელი 2,5 ევროს აღემატებოდა, ხოლო დაახლოებით 70 სადგურზე ფასი 2,7 ევრო ან მეტი იყო.
ბენზინის ფასიც საგრძნობლად გაიზარდა. საფრანგეთში ყველაზე პოპულარული სახის ბენზინი — SP95-E10 — პარასკევს დილით ლიტრად 2,17 ევრო ღირდა. ეს ფასი 2022 წლის 14 ივნისს დაფიქსირებულ რეკორდს — 2,11 ევროს — ათ დღეზე მეტია, რაც გადააჭარბა. 2022 წელს ფასების ასეთი ზრდა უკრაინაში ომის გამო ჩამოყალიბებულმა გაურკვევლობამ და საწვავზე გაზრდილმა მოთხოვნამ განაპირობა. ახლა კი 100-ზე მეტ სადგურზე SP95-E10-ის ლიტრი 2,4 ევრომდე ან უფრო ძვირად იყიდება.
ფასების ასეთი სწრაფი ზრდის ფონზე, საზოგადოებაში უკმაყოფილება მზარდია. ქვეყანაში საპროტესტო აქციების გამართვის მოწოდებები სულ უფრო ძლიერდება, ხოლო მოქალაქეები მთავრობისგან კონკრეტული ნაბიჯების გადადგმას ითხოვენ.
Sheni Ambebi News
წყარო: primetime.ge
QR კოდი
სტატიის ციტირება
შენი ამბები. (2026). საფრანგეთში საწვავის ფასი ისტორიულ მაქსიმუმს მიაღწია — მოქალაქეები პროტესტს გეგმავენ. 18 სექტემბერი, 2026. https://sheniekimi.ge/ambebi/საფრანგეთში-საწვავის-ფას/
