კანადელი სუპერვარსკვლავი სელინ დიონი ბოლოს სცენაზე ექვსი წლის წინ ადგა. ამ ხნის განმავლობაში მის გულშემატკივრებს მხოლოდ მომღერლის ჯანმრთელობის ამბები აწუხებდათ — 2022 წელს გახდა ცნობილი, რომ დიონს კუნთების სიხისტის სინდრომი დაუდგინეს, იშვიათი და რთული ნევროლოგიური დაავადება, რომელმაც მისი კარიერა მოულოდნელად შეაჩერა.
ახლა კი ლოდინი დასრულდა. მომღერალმა პარიზის გარეუბანში, ნანტერში, Plénitude Arena-ზე თავისი სარეზიდენციო კონცერტების სერიის პირველი შოუ წარმატებით გამართა. დარბაზი სავსე იყო — 30 000-ზე მეტი გულშემატკივარი ისე ელოდა ამ საღამოს, როგორც ძველ მეგობართან შეხვედრას.
საზოგადოების წინაშე დიონი ამ ხნის მანძილზე მხოლოდ რამდენჯერმე გამოჩნდა. ყველაზე დამახსოვრებელი მომენტი 2024 წლის პარიზის ოლიმპიადის გახსნის ცერემონია იყო, სადაც მან ეიფელის კოშკთან იმღერა და მსოფლიო კიდევ ერთხელ შეახსენა, რომ ავადმყოფობა ვერ ჩაახშობდა მის ნიჭს.
ნანტერში გამართული კონცერტების სერია 2027 წლის 29 მაისამდე გაგრძელდება — სულ 26 შოუ იქნება. ეს მომღერლის ცხოვრებაში ახალი თავის დასაწყისია, რომელსაც მთელი მსოფლიო ანხილავს.
Sheni Ambebi News
წყარო: primetime.ge
QR კოდი
სტატიის ციტირება
შენი ამბები. (2026). სელინ დიონი სცენაზე დაბრუნდა — 6 წლის მოლოდინის შემდეგ. 13 სექტემბერი, 2026. https://sheniekimi.ge/ambebi/სელინ-დიონი-სცენაზე-დაბრ/
