სარკისებრ თარიღებს მრავალი ადამიანი განსაკუთრებულ მნიშვნელობას ანიჭებს. 9 სექტემბერი — 09.09 — ამ მხრივ გამონაკლისი არ არის. ნუმეროლოგიასა და ასტროლოგიაში ცხრა რიცხვი კეთილდღეობის, სისრულისა და ბედნიერების სიმბოლოდ ითვლება. როდესაც ეს ციფრი გამეორდება, მისი ენერგია, მითუმეტეს, ძლიერდება.
რა არის ამ დღის მთავარი გზავნილი? მოქმედება. ასტროლოგები და ნუმეროლოგები ერთხმად აღნიშნავენ, რომ 09.09 პასიურობისა და ლოდინის დრო არ არის. პირიქით — ეს არის მომენტი, რომელიც ენერგიით არის დამუხტული და სწორედ ამ ენერგიის გამოყენება შეიძლება გახდეს გარდამტეხი.
თუ დიდი ხანია გადადებთ რაიმე მნიშვნელოვანი საქმის დაწყებას — საკუთარი ბიზნესის გახსნას, ახალი პროფესიის შესწავლას, ან კარიერული ცვლილების გადადგმას — 9 სექტემბერი შეიძლება სწორედ ის დღე გახდეს, როდესაც პირველი ნაბიჯი გადადგათ. პატარა, მაგრამ გადამწყვეტი ნაბიჯიც კი საკმარისია — მთავარია, გაჩერება არ მოხდეს.
ამ დღის კიდევ ერთი სიმბოლო ახალი ცოდნის შეძენასთან არის დაკავშირებული. თუ მოულოდნელად გაგიჩნდათ სურვილი, რაიმე ახალი ისწავლოთ — ენა, ხელობა, ხელოვნება — ამ იმპულსს ყური დაუგდეთ. ნუმეროლოგები ამტკიცებენ, რომ ამ დღეს დაწყებული სწავლება დასრულებამდე მიჰყვება.
რაც შეეხება შინაგან მდგომარეობას — 9 სექტემბერი ასევე კარგი დღეა დასვენებისა და გადახედვისთვის. მედიტაცია, სიჩუმე, საკუთარ სურვილებზე ფოკუსირება — ეს ყველაფერი ამ დღეს განსაკუთრებულ მნიშვნელობას იძენს. ჩამოაყალიბეთ, რისი მიღება გსურთ ცხოვრებისგან და ეს ჩანაფიქრი ენერგიულად გამოხატეთ.
თუმცა არის ერთი მნიშვნელოვანი გაფრთხილება: ამ დღეს დაუსრულებელი საქმეები, განსაკუთრებით სამუშაო საკითხები, უკეთესია წინა დღით მოაგვაროთ. ამასთან, 09.09 კარგი შესაძლებლობაა მიტევებისა და შერიგებისთვის — ახლობელთან გაუგებრობის მოგვარება სწორედ ამ დღეს შეიძლება ბევრად უფრო მარტივი აღმოჩნდეს.
ამ ყველაფრის რწმენა თუ არ გწამთ — მაინც ღირს ამ დღეს ინდომებით, გაბედულებითა და კეთილი განწყობით მიუდგეთ. ხომ ცნობილია: ვინც მოქმედებს, წარმატებასთან ბევრად ახლოს დგას, ვიდრე ის, ვინც ელის.
Sheni Ambebi News
წყარო: primetime.ge
