მოკლული მასწავლებლი, გიგა ავალიანის დედა, ეკა კუპატაძე სოციალურ ქსელში წერს, რომ ეკა კუპატაძის შემშინებელი ჯერ არ დაბადებულა!!!
„ეკა კუპატაძის შემშინებელი ჯერ არ დაბადებულა!!!
შიშზე ქვემოთ დავწერ, ჯერ გუშინდელი სასამართლო პროცესის შესახებ ვიტყვი ორ სიტყვას.
გუშინ იყო ჩიქოვანი-ნასყიდაშვილის მორიგი პროცესი და ისევ მორიგი ცირკი დადგეს მკვლელების ადვოკატებმა.
სხდომაზე უნდა დაკითხულიყო მსჯავრდებულები ალექსანდრე გაბაშვილი და გიორგი რიკაძე.
რიკაძე პროცესზეც კი არ გამოცხადდა.
გაბაშვილი გამოცხადდა, მაგრამ საკუთარი თავის წინააღმდეგ ჩვენება არ მისცა; უბრალოდ, მამიკო დაინახა და ჰაეროვანი კოცნები გაუგზავნეს ერთმანეთს.
ორი სხდომა-სხდომისთვის ჩაატარებინეს მოსამართლეს.
წინასწარ იცოდნენ, რომ ჩვენებას არ მისცემდნენ მოწმეები, მაგრამ…
არ დაენანათ სახელმწიფო რესურსი, პოლიციას იძულებით მოაყვანინეს იმნაძე; გუშინ გაბაშვილი მოიყვანეს და უიჰ, ამასაც არ სურს ლაპარაკი, ესეც არასრულწლოვანია და არ ვანერვიულოთო.
არ დაენანათ მოსამართლის, პროკურორის, ან თუნდაც თავიანთი დრო, მაშინ, როცა ადვოკატი გიორგი სიბაშვილი წამებს მითვლიდა სასამართლო პროცესზე, ჩემი ჯანმრთელობის გამო, 18:00 სთ-ის შემდეგ ვერ გავჩერდებიო.
იქნებ, ის უხეთქავდა გულს, მყარ, უტყუარ მტკიცებულებებზე დაყრდნობით და ცხოვრებისეულ პრაქტიკასთან პარალელების გავლებით, ჰაერში რომ ვაბურთავე ადვოკატებიც და ბრალდებულებიც 30 აპრილის და 1 მაისის სასამართლო სხდომებზე.
ან იქნებ, იმან გააწიწმატა, პროცესზე რომ ვუთხარი გიორგი სიბაშვილს: — შენ ვერ ისწავლი ჩემს მათემატიკას ისე 6 წელში, როგორც მე ვისწავლე შენი სისხლის სამართალი 6 თვეში, თანაც უკიდეგანოდ გამწარებულმა-თქო.
ეს გულგახეთქილი და გაწიწმატებული ადვოკატები იმასაც ხვდებიან, რომ ტყუილს ვერ შეაპარებენ მოსამართლეს, რადგან პროკურორმა, ქეთი სონიძემ, საქმის ყველა წვრილმანი ზედმიწევნით იცის და იბრძვის თავგანწირვით.
მეც, გულდასმით, წამის დანაკარგის გარეშე, მისმინა მოსამართლემ ორი დღე.
მერე თავად მოსამართლის პრინციპულობას მოუსინჯეს კბილი და მოითხოვეს ნია იმნაძის დაკითხვა.
დახვდათ სალი კლდე, ახალგაზრდა მოსამართლემ დაუშვა პრეცედენტი და არასრულწლოვანი იძულების წესით დაიბარა სასამართლო პროცესზე.
ხვდებიან, მათი დაცვის ქვეშ მყოფები ვერ ასცდებიან მაქსიმალურ სასჯელს, არადა კბილი უკაწკაწებთ მსუყე ჰონორარზე, ამიტომ ბრალდებულების მშობლების საამებლად, ჩემი ფეისბუქის პოსტების და საჯარო გამოსვლების გამო, სამოქალაქო დავა დამიწყეს.
მივმართავ ანი ნასყიდაშვილის ადვოკატებს:
ჩემი შემშინებელი ჯერ არ დაბადებულა!!!
ახლა კი მიცნობს მთელი საქართველო, მაგრამ მანამდეც უთვალავი ნაცნობ-მეგობარი მყავდა.
ვერ იპოვით ვერც ერთ ადამიანს, ვინც იტყვის, რომ ეკა კუპატაძეს ოდესმე რამესი ან ვინმესი შეშინებია.
ასეც რომ არ იყოს, შვილმკვდარი დედა გეყოლებათ ნაცნობებში და კითხეთ, მისი შეშინებას რამე ან ვინმე თუ შეძლებს!!!
ვის დაეკარგეთ?!
საკუთარ ეგოს, ჩემთან ვერ დაიკმაყოფილებთ!!!
შოუებს რომ მიდგამთ,
აქ სამსახურებრივი მოვალეობის გადაჭარბებისთვის ბრალდებულებს კი არ იცავთ, სადისტურად მოკლულია უდანაშაულო, ჯანმრთელი, ახალგაზრდა ექიმი ბიჭი და თქვენი დაცვის ქვეშ მყოფი არის საქმეში ბრალდებული!!!!
ჩემი შვილის მკვლელობის ვიდეო ხელიდან ხელში აფრიალეს და პოსტებს მისაჩივრებენ აქ ,,ბიჭები”.
ისე, იმაზე ამაზრზენი არაფერია, 2 მეტრიანი კაცი, 2 აბაზად რომ დახურდავდება!!!
წაიღეთ ახლა, კოპი-პეისტით, ეს პოსტი, ჩაწერეთ სარჩელში და თქვენს სამოქალაქო სასამართლოზე რომ მოვალ, თავზე გადაგაფხრიწავთ სინდის-ნამუსს!!!
და ბოლოს, საზეპიროდ:
სანამ, მართლმსაჯულება არ იტყვის საბოლოო, მკაცრ სიტყვას, ვერც ეკრანებიდან ჩამომხსნით და არც პოსტების წერას შევწყვეტ!!!
საზოგადოება ჩემგან, იქნება სრულად ინფორმირებული!
უფრო მეტიც, არ დაიჭერენ ყველა დამნაშავეს?
საზოგადოების მონაწილეობით, საერთო სახალხო სასამართლოს მოვაწყობ და როგორც ანი ნასყიდაშვილი იტყოდა, ,,პირი დაგრჩებათ ღია!”
ამ პოსტშივე უნდა გავასწორო არასწორად გავცელებული ინფორმაცია:
ნია იმნაძე სასამართლოდან სასწრაფოთი არ წაუყვანიათ.
ნია იმნაძე, 7 მაისს, პოლიციამ მოიყვანა პროცესზე და პოლიციამ წაიყვანა სახლში!!!!
პ.ს.პოსტი გუშინ იმიტომ ვერ დავდე, რომ ეს ლაიქ გვერდიც დამირეპორტეს და წვდომა მქონდა შეზღუდული.
პ.პ.ს. ფოტოები არ გვაქვს, ბოდიში, რომ ისევ იგივე ფოტოებს ვდებ.
ჩემი მოვლილი შვილიკო, 28 წლისა 22 წლისასაც არ ჰგავდა.“
