დღეს დილიდან სოციალურ ქსელებსა და მედიაში ვრცელდება ვიდეო კადრები, სადაც ასახულია ბოლნისის მუნიციპალიტეტში მდებარე V საუკუნის ბოლნისის სიონის ტაძარში იატაკზე მინდინარე საბურღ -სატეხი სამუშაოები. იმის გამო რომ არაერთ კულტურული მემკვიდრეობის ძეგლის სტატუსის მქონე ტაძარში იატაკის მოწყობის სამუშაოები მეტწილად უკანონოდ და ძგელის ინტერესების საზიანად მიმდინარეობდა (რამაც საბოლოოდ დაამახინჯა მათი ვიზუალური აღქმა) გავრცელებულმა კადრებმა საოგადოებაში ნეგატიური რეაქცია გამოიწვია.
“მოძრაობა კულტურული მემკვიდრეობისთვის” დილიდან არკვევდა დეტალებს.
მიმდინარე სამუშაოები მოიცავს, მათ შორის, ტაძრის ინტერიერში 1970-იან წლებში მოწყობილი ბაზალტის იატაკის დემონტაჟს, რომელიც განთავსებულია ბეტონის დუღაბზე. ჩატარებული კვლევითი სამუშაოების ფარგლებში, ინტერიერში განხორციელებული შურფირების შედეგად, სამხრეთი კედლის პილასტრის ძირში და სამხრეთი მინაშენის დასავლეთ ნაწილში გამოვლინდა ადრინდელი პერიოდის იატაკი, აგრეთვე პილასტრის ბაზა სრულყოფილი სახით.
აღნიშნულიდან გამომდინარე, პროექტი ითვალისწინებს 1970-იან წლებში მოწყობილი იატაკის დემონტაჟს არქეოლოგიური ზედამხედველობის პირობებში და ახალი, ღია ფერის ქვით იატაკის მოწყობას ტრადიციული ქართული წყობის გამოყენებით. ამასთან, არსებული იატაკის ნიშნული დაიწევა რამდენიმე სანტიმეტრით, რაც უზრუნველყოფს გამოვლენილი სვეტებისა და პილასტრების პროპორციების სრულფასოვან აღქმას.
გვიანდელი ბეტონისა და ბაზალტის ფენების მოხსნის პროცესში, ტექნოლოგიური აუცილებლობიდან გამომდინარე, გარკვეულ, ძნელად მოსახსნელ ადგილებში, გამოყენებულია შესაბამისი მექანიკური საბურღ-სატეხი საშუალება, რაც დასაშვებია პროფესიული პრაქტიკის ფარგლებში, რომელიც არ უქმნის საფრთხეს ძეგლის კონსტრუქციულ მდგრადობასა და არ იწვევს მის დაზიანებას.”
კულტურული მემკვიდრეობის დაცვის ეროვნული სააგენტოს განცხადება სრულად იხილეთ აქ
