„ბევრი მეკითხება, რატომ არ მაქვს შესაბამისი დოკუმენტი, რომ პატრიარქის შვილობილი ვარ, მაგრამ მე არ მჭირდება მოწმე, ჩვენი მოწმე უფალია. მითხრა, რომ სურდა, მისი შვილი გავმხდარიყავი“ – ინტერვიუ პატრიარქის ინგუშ შვილობილთან – ამინ შადიჟევთან
ცნობისათვის, პატრიარქისა და ამინ შადიჟევის წინაპრებს ინგუშეთში საერთო ბიზნესი – საცხობების ქსელი ჰქონიათ და ახლო მეგობრობა აკავშირებდათ.
1920-იან წლებში, დაღესტანში ერთ-ერთი ვიზიტის დროს, ისინი ყაჩაღებს გაუტაციათ და პატრიარქის მამა, გიორგი ამინის წინაპრებს გადაურჩენიათ. ინგუშები რომ არ ყოფილიყვნენ, მე პატრიარქი არ ვიქნებოდიო, – თურმე ხშირად ამბობდა უწმინდესი. სწორედ ამიტომ ეძებდა ამ ოჯახს და ამ მიზნით, ინგუშეთის პირველ პრეზიდენტს – რუსლან აუშევს თბილისიდან სამადლობელი წერილი გაატანა მათთან. წლების შემდეგ კი პატრიარქის შეხვედრა ამინთან და მის ძმებთან საქართველოს საპატრიარქოში შედგა
