საქართველოს მუნიციპალური განვითარების ფონდმა ბაზრის კველვა დაიწყო და ტენდერები გამოაცხადა — ქართული ოცნება პარლამენტის, მთავრობის ადმინისტრაციის და სამინისტროების “არსენალის მთაზე” (ჩუღურეთი) გადატანას გეგმავს.
“პროექტის მთავარი მიზანია სახელმწიფო სერვისების ხელმისაწვდომობის გაზრდა და თანამედროვე, ერთიანი და მდგრადი სივრცის შექმნა, რომელიც სრულფასოვნად იქნება ინტეგრირებული დედაქალაქის გეგმარებით სტრუქტურაში.
პროექტი უნდა შემუშავდეს ისე, რომ უზრუნველყოს მისი ეტაპობრივად განხორციელების შესაძლებლობა. საპროექტო დოკუმენტაცია უნდა მოიცავდეს სამშენებლო სამუშაოების ფაზებად დაყოფას სხვადასხვა ფუნქციის მქონე შენობა-ნაგებობების შესაბამისად,” — ვკითხულობთ ტექნიკური დავალების დოკუმენტში.
სახელმწიფო შესყიდვების სააგენტოს ვებგვერდზე განთავსებული ტექნიკური დავალების დოკუმენტის თანახმად ფართები ასე გადანაწილდება:
- პარლამენტის შენობა — ფართი არანაკლებ 31 350 მ²
- მთავრობის ადმინისტრაციის შენობა — ფართი არანაკლებ 7 000 მ²
- ღონისძიებების დარბაზი — ფართი არანაკლებ 10 000 მ²
- საგარეო საქმეთა სამინისტრო — ფართი არანაკლებ 7 500 მ²
- ინფრასტრუქტურის სამინისტრო — ფართი არანაკლებ 20 700 მ²
- რეგიონული განვითარების სამინისტრო — ფართი არანაკლებ 3 200 მ²
დევნილთა, შრომის, ჯანმრთელობისა და სოციალური დაცვის სამინისტრო — ფართი არანაკლებ 51 900 მ² - ეკონომიკისა და მდგრადი განვითარების სამინისტრო — ფართი არანაკლებ 23 800 მ²
- გარემოს დაცვისა და სოფლის მეურნეობის სამინისტრო — ფართი არანაკლებ 47 400 მ²
- განათლების, მეცნიერებისა და ახალგაზრდობის სამინისტრო — ფართი არანაკლებ 7 600 მ²
- კულტურის სამინისტრო — ფართი არანაკლებ 3 600 მ²
- თბილისის მერია — ფართი არანაკლებ 59 900 მ²
- საქართველოს სახელმწიფო დაცვის სპეციალური სამსახური — ფართი არანაკლებ 7 000 მ²
- შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი — ფართი არანაკლებ 1 800 მ²
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
