თურქეთის სამხედრო-საჰაერო ძალების კუთვნილი სატვირთო თვითმფრინავის ბორტზე, რომელიც საქართველოს ტერიტორიაზე ჩამოვარდა, ეკიპაჟის წევრების ჩათვლით 20 ადამიანი იმყოფებოდა. ინფორმაციას ადგილობრივი მედია თურქეთის თავდაცვის სამინისტროზე დაყრდნობით ავრცელებს. ადგილზე სამძებრო-სამაშველო სამუშაოები გრძელდება.
საქართველო-აზერბაიჯანის საზღვართან სამხედრო თვითმფრინავის ჩამოვარდნის შესახებ ინფორმაცია ცოტა ხნის წინ გავრცელდა. ტელეკომპანია „იმედმა“ კატასტროფის ამსახველი ვიდეოკადრები მოიპოვა.
მომხდარზე ოფიციალური ინფორმაცია უკვე გაავრცელა საქართველოს შინაგან საქმეთა სამინისტრომ.
