კაცს უთხრა, ჩემს ცოლთან გქონდა ახლა შენ ურთიერთობაო… სასოწარკვეთილი ვკიოდი, ძლივს გავაშველე – წამალდამოკიდებულის ცოლის ემოციური ამბავი

„კვირის პალიტრის“ რესპონდენტი მარტოხელა ქალბატონია, ერთადერთი შვილის დედა. ამბობს, რომ რთული ცხოვრების გავლა მოუხდა, შვილთან ერთად ცხოვრობს, მაგრამ მასთან ურთიერთობას ვეღარ აგვარებს და ამ ფაქტს ძალიან განიცდის. არც იმას უარყოფს, რომ შვილის გაზრდაში შეცდომები დაუშვა, გამოსავალს კი ყველანაირი გზებით ეძებს, მაგრამ ჯერ შედეგი არ არის.

მაია:

– ვერ წარმოვიდგენდი, ოდესმე ამ თემაზე საუბარი თუ მომიწევდა, მაგრამ ვფიქრობ, ასეთი ამბები უნდა გახმაურდეს, რომ შემდეგ სხვა დედებმა ეს მაგალითები გაითვალისწინონ და შვილები მეტი კონტროლის ქვეშ ჰყავდეთ.

ცოტა შორიდან დავიწყებ. 21 წლის ვიყავი, როცა ოჯახი სიყვარულით შევქმენი. მაშინ უნივერსიტეტს ვამთავრებდი და, პარალელურად, მუშაობა ახალი დაწყებული მქონდა. ჩემი მომავალი მეუღლე სწორედ სამსახურში გავიცანი, ჩემზე 4 წლით უფროსი იყო. სიყვარულს მეფიცებოდა და მერე შევუღლდით. ვფიქრობდი, რომ სწორი არჩევანი გავაკეთე.

მერე ერთად ვმუშაობდით, ერთად დავდიოდით სამსახურში. ერთმანეთს სიყვარული შევფიცეთ და მართლაც მეგონა, რომ მთელი ცხოვრება მასთან ბედნიერი ვიქნებოდი, თუმცა ასე არ აღმოჩნდა. დღეს გაუბედურებული ქალი ვარ, რომელიც ერთადერთ შვილსაც ვეღარ იმორჩილებს.

– რატომ, რა მოხდა?

– თავიდან ყველაფერი კარგად მიდიოდა, ბედნიერები ვიყავით. მალე ფეხმძიმედ დავრჩი და შვილის დაბადება ჩვენთვის დიდი სიხარული იყო. გიორგი რომ დაიბადა, სახელი მან შეურჩია. ვერ ვიტყვი, რომ ზრუნვა მაკლდა. საჩუქრებითაც მუდმივად მანებივრებდა და შვილზეც ძალიან ზრუნავდა. ბავშვი რომ წამოიზარდა და ბაღში გავუშვით, ისევ სამსახურში წასვლა გადავწყვიტე, მაგრამ მაშინ გამომიცხადა, რომ აღარ უნდა მემუშავა და სახლში უნდა ვყოფილიყავი. ეს არ მესიამოვნა, რადგან ძალიან მიყვარს ჩემი პროფესია, ეკონომისტი ვარ და მინდოდა, რეალიზებული ვყოფილიყავი.

თვითონაც ძალიან შეიცვალა დროთა განმავლობაში, სახლიდან გასვლის საშუალებასაც არ მაძლევდა, მაღაზიაში რომ ჩავსულიყავი, ესეც მისთვის უნდა შემეთანხმებინა. თავიდან თითქოს არაფერი, მაგრამ რაც დრო გადიოდა, ვხედავდი, გართულდა ჩვენი ურთიერთობა. ძალიან ეჭვიანობდა, ამიტომ დაიწყო კონფლიქტები.

– შეეძლო უსაფუძვლოდ ეეჭვიანა?

– დიახ, საბაბი არასოდეს მიმიცია. ავადმყოფურად ეჭვიანი იყო. ყველაზე ეჭვიანობდა, მათ შორის – ნათესავებზეც კი, საშინელ სცენებს მიწყობდა. რომ მახსენდება ეს ამბები, ცუდად ვხდები და სულ ვუბრაზდები ჩემს თავს, როგორ ვითმენდი ამდენს? როგორ შემეძლო ამაზე გავჩუმებულიყავი?

ერთ ამბავს მოგიყვებით.

ერთ დღეს მეზობელი მამაკაცი შემოვიდა სახლში, რაღაც ხელსაწყო სჭირდებოდა. ოჯახებს კარგი ურთიერთობა გვქონდა. სწორედ ამ დროს ჩემი ქმარი მოვიდა შინ, მთვრალი და ეს კაცი რომ დაინახა, საშინელი სცენა მოაწყო. აგინა, ხელითაც გაიწია საცემრად და რაც ყველაზე შოკისმომგვრელი იყო ჩემთვის, კაცს უთხრა, ჩემს ცოლთან გქონდა ახლა შენ ურთიერთობაო. ის კაცი გაგიჟდა, ეს რა მაკადრეო და ხელით შეეხნენ ერთმანეთს, სასოწარკვეთილი ვკიოდი და ძლივს გავაშველე… იმ მამაკაცს ვთხოვე, სახლში წასულიყო.

მეზობლებიც მოგროვდნენ და ყველამ გაიგო ეს ამბავი. წაიკითხეთ სრულად

ასევე ნახეთ: „მარტივი რიტუალი პრობლემებისგან თავის დასაღწევად…“ – რას გვირჩევს ასტროლოგი