თუნდაც მცირე დოზით სასიკვდილოა, 20 ბავშვის სიცოცხლე იმსხვერპლა — რას ვსვამთ საქართველოში? – „ეს არის საგანგაშო“ – გიორგი ფხაკაძე

ინდოეთში ხველების სიროფმა, სახელად Coldrif, უკვე 20 ბავშვის სიცოცხლე იმსხვერპლა. ოფიციალური ლაბორატორიული ანალიზებით დადგინდა, რომ სიროფი შეიცავდა დიეთილენგლიკოლს (DEG) — ინდუსტრიულ გამხსნელს, რომელიც თუნდაც მცირე დოზით სასიკვდილოა. ეს ტრაგედია მხოლოდ ინდოეთის პრობლემა არ არის. „Sresan Pharmaceuticals“-ის პროდუქცია, მათ შორის სიროფები და საკვები დანამატები, საქართველოშიც ხელმისაწვდომია. ამიტომ საჭიროა საზოგადოებამ იცოდეს: რა აწარმოებს ეს კომპანია, რა დარღვევებია გამოვლენილი და სად არის ხარისხის სერტიფიკატები.

❖ Coldrif Syrup – ხველების სიროფი (DEG-ით დაბინძურებული).

❖ Nimusan / Nimusan Plus – ტკივილგამაყუჩებელი და სიცხის დამწევი.

❖ Albendazole (Benzole 400 mg) – ანტიპარაზიტული.

❖ Paracetamol-ის კომბინაციები.

❖ Herbal Child Growth Syrups.

❖ Protein Powders და Vitamin D3 (Calshel).

ფაქტია, რომ „Sresan Pharmaceuticals“ აწარმოებს არა მხოლოდ საკუთარ ბრენდირებულ პროდუქტებს, არამედ საკვები დანამატებს სხვა კომპანიებისთვისაც.ამით ჩნდება ლეგიტიმური კითხვა: საქართველოში გაყიდვაში არსებული საკვები დანამატები, მაგალითად „Herbal Healing“ (HerbalHealing.ge), რომელიც არუნის მიერ პოპულარიზდება — ხომ არ არის სწორედ „Sresan“-ის ქარხანაში წარმოებული?

ამაზე პასუხი არ ვიცით, რადგან არუნს არ გაუზიარებია ხარისხის სერტიფიკატები (GMP, CoA).

იგივე კითხვა ვრცელდება სხვა იმპორტიორებსა და ონლაინ აფთიაქებზე: ფარმაცევტული კომპანიები და დისტრიბუტორები — შეგიძლიათ წარმოადგინოთ ინდოეთიდან შემოტანილი პროდუქციის სერტიფიკატები?

ეს არ არის ბრალდება კონკრეტული პირის მიმართ — ეს არის მომხმარებლის კანონიერი უფლება იცოდეს, რომ პროდუქტი, რომელსაც სვამს, უსაფრთხოა.

ინდოეთის რეგულატორებმა ქარხანაში აღმოაჩინეს: ანტისანიტარიული პირობებიდოკუმენტაციის ხარვეზებიარასწორი ტესტირებაარაკვალიფიციური პერსონალიამიტომ ტამილ ნადუს შტატში კომპანიას ლიცენზია გაუუქმდა, ხოლო კერალამ და სხვა შტატებმა ყველა პროდუქტი აკრძალა.

რა არის DEG და რატომ არის საშიში?დიეთილენგლიკოლი ინდუსტრიული ქიმიკატია, რომელიც მცირე დოზითაც იწვევს თირკმლის უკმარისობასა და სიკვდილს.

რა უნდა მოვითხოვო აფთიაქში ან ონლაინ მაღაზიაში პროდუქტის ყიდვისას? ყოველთვის მოითხოვეთ:

• GMP სერტიფიკატი (ოფიციალური ქარხნის)

• CoA (პარტიის ლაბორატორიული ანალიზი)

საქართველოშიც იყიდება ინდური პროდუქტები. სანამ ვიყიდით სიროფს ან საკვებ დანამატს, უნდა ვიცოდეთ, რომ დოკუმენტურად დამტკიცებულია მისი უსაფრთხოება.

გადმოწერე აპლიკაცია “შენი ექიმი” – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

iPhone: https://apps.apple.com/app/sheniekimi/id6746522706

Android: https://play.google.com/store/apps/details…

Telegram არხი: https://t.me/SheniEkimi

შენი ექიმი – ცოდნა ჯანმრთელობისთვის.

#შენიექიმი #sheniekimi #გიორგიფხაკაძე #ჯანმრთელობა #აქხარისხია #drpkhakadze

COI დეკლარაცია (Conflict of Interest): ავტორს არ აქვს კომერციული ან ფინანსური დაინტერესება რომელიმე ფარმაცევტული კომპანიის მიმართ. სტატია მომზადებულია მხოლოდ საზოგადოებრივი ჯანდაცვის ინტერესებიდან გამომდინარე.

PS: მინდიდა მწარე სათაურის დაწერა, ღირსია … თავი შევიკავე

@highlight Giorgi Pkhakadze SheniEkimi.ge • შენი ექიმი SheniAmbebi.ge • შენი ამბები SheniGanatleba.ge • შენი განათლება SheniSofeli.ge • შენი სოფელი SheniSupra.ge • შენი სუფრა SheniSilamaze.ge • შენი სილამაზე SheniMedicina.ge • შენი მედიცინა სურსათის ეროვნული სააგენტო / National Food Agency სამედიცინო და ფარმაცევტული საქმიანობის რეგულირების სააგენტო დაავადებათა კონტროლისა და საზოგადოებრივი ჯანმრთელობის ეროვნული ცენტრი • NCDC & PH