ჩრდილოეთ კორეა დაიწყებს რუსული კამიკაძე უპილოტო საფრენი აპარატების „ Гарпия-А1 “ ტიპის და ირანული „შაჰედ-136“-ის ანალოგების, რომელიც რუსეთში „Герань-2 “-ის სახელითაა ცნობილი, წარმოებას.
სავარაუდოდ, მოსკოვი და ფხენიანი შეთანხმდნენ, რომ ამ პროდუქტების წარმოებისთვის ჩრდილოეთ კორეის საწარმოო ობიექტებს გამოიყენებდნენ, ხოლო რუსეთის ფედერაცია სანაცვლოდ საჭირო ტექნოლოგიებს გადასცემს. ამის შესახებ ამერიკულ სპეციალიზებულ გამოცემასთან „ომის ზონა“ (TWZ) ინტერვიუში განაცხადა უკრაინის თავდაცვის სამინისტროს მთავარი დაზვერვის დირექტორატის უფროსმა, გენერალ-ლეიტენანტმა კირილ ბუდანოვმა*.
მისი თქმით, ძნელია იმის შეფასება, თუ ჩრდილოეთ კორეის სახალხო რესპუბლიკაში რამდენი დრონის წარმოება და რუსეთის ფედერაციისთვის მიწოდებაა იქნება შესაძლებელი . მაგალითად, შორი დისტანციის „შაჰედების“ ტიპის კამიკაძე დრონები უკვე რამდენიმე წელია უკრაინისთვის ყველაზე დიდ საჰაერო საფრთხეს წარმოადგენს. რუსები თავიანთ ობიექტებში თვეში დაახლოებით 2000 ასეთ უპილოტო საფრენ აპარატს აწარმოებენ და წარმოების 5000-მდე გაზრდა სურთ.
რუსეთი მუდმივად აუმჯობესებს თავის მოქმედების დიაპაზონს, დატვირთვას, კომუნიკაციებსა და თავდასხმის სქემებს. მხოლოდ გასული კვირა ღამიდან ორშაბათამდე რუსეთმა უკრაინის მიმართულებით 479 შაჰედი და სხვადასხვა ტიპის სატყუარა გაუშვა. კითხვის გაგრძელება…
