ლეგენდარული იტალიელი მომღერალი, მსახიობი და რეჟისორი, ადრიანო ჩელენტანო, არა მხოლოდ თავისი მუსიკალური და კინოკარიერით არის ცნობილი, არამედ თავისი უნიკალური ცხოვრების სტილითაც. ერთ-ერთი ყველაზე საინტერესო ადგილი, რომელიც ჩელენტანოს ეკუთვნის, არის მისი ვილა – Campesone di Galbiate, მდებარე იტალიის ლეკოს პროვინციაში, გალბიატეს მახლობლად.
ჩელენტანომ და მისმა მეუღლემ, კლაუდია მორისიმ, ეს ადგილი 1960-იან წლებში შეიძინეს და წლების განმავლობაში საკუთარი გემოვნებითა და ხედვით გადააქციეს ნამდვილ სამოთხედ.
ვილა მდებარეობს ლომბარდიის რეგიონში, ლეკოს პროვინციაში, ქალაქ გალბიატეს მახლობლად, დაახლოებით 50 კილომეტრით დაშორებული მილანიდან. მთლიანი ტერიტორია მოიცავს დაახლოებით 12 ჰექტარს.
შენობა აშენებულია 1920-იანი წლების კლასიკურ სტილში, გარე ფასადი მორთულია თეთრი კოლონებითა და ხეივნებით. ინტერიერი გამოირჩევა სითბოთი და სიმარტივით: გამოყენებულია ხის მასალები, ღია ფერის ტონები და სოფლის სტილის ელემენტები, რაც ქმნის მყუდრო და ელეგანტურ ატმოსფეროს .
ეს ადგილი განსაკუთრებულია არა მარტო თავისი ბუნებრივი სილამაზით, არამედ იმითაც, რომ ჩელენტანომ ვილა ისე გააშენა, რომ სრულად შეერწყა არსებულ გარემოს. Campesone di Galbiate ფოთლოვანი ტყით არის გარშემორტყმული, რაც ქმნის საიდუმლო და მყუდრო ატმოსფეროს. ვილა ჩაფლულია სიმწვანეში და დიდი ხნის განმავლობაში საზოგადოებისათვის ფაქტობრივად შეუმჩნეველი იყო.
ამბობენ, რომ ვილა მოწყობილია ეკოლოგიური პრინციპების გათვალისწინებით: იქ მინიმუმამდეა დაყვანილი ტექნოლოგიური ჩარევა და ენერგიის მოხმარება, რაც პირდაპირ გამოხატავს ჩელენტანოს ინტერესს გარემოს დაცვასთან და ბუნებრივი ცხოვრების წესთან.
Campesone di Galbiate სხვა ვილებისგან განსხვავებით არ არის გადატვირთული ფუფუნებით. იგი მეტისმეტი პომპეზურობის გარეშე, უბრალო და ელეგანტური არქიტექტურით ხიბლავს…წყარო
