წმინდა ცეცხლს იერუსალიმიდან თბილისში 19 აპრილს ჩამოიტანენ. ტრადიციულად, ცეცხლის ტრანსპორტირებას ავიაკომპანია „ჯორჯიან ეარვეისი“ უზრუნველყოფს.
ავიაკომპანიის ინფორმაციით, თვითმფრინავი თბილისის საერთაშორისო აეროპორტში 23:40 საათზე დაეშვება.
წმინდა ცეცხლის ჩამოტანა საქართველოს მართლმადიდებელი ეკლესიის ერთ-ერთი მნიშვნელოვანი ტრადიციაა, რომელიც ყოველ წელს აღდგომის წინა დღეს იერუსალიმიდან ჩამოაქვთ. ცეცხლი სპეციალურ კონტეინერებში იქნება მოთავსებული და შემდეგ სხვადასხვა ეკლესიასა და ტაძარში გადანაწილდება.
აღნიშნულ მოვლენას მრევლი დიდი მოლოდინით ელოდება — წმინდა ცეცხლი სიმბოლურად ქრისტეს აღდგომის დღესასწაულს წინ უძღვის და ითვლება ღვთაებრივი მადლის გამოვლენად.
#drpkhakadze #გიორგიფხაკაძე #davidiani #sheniambebi #აქხარისხია
