ყავა დიდი ხანია ცნობილია თავისი მრავალი სასარგებლო თვისებით. თითოეული ჭიქა შეიცავს ათასობით ნაერთს, რომლებიც ხელს უწყობენ გონებრივი მუშაობის გაუმჯობესებას, ანთების შემცირებას, გულის ჯანმრთელობას და ვარჯიშის შემდგომ ტკივილსაც კი. ბოლო კვლევა აჩვენებს ყავის უზარმაზარ სარგებელს ნაწლავებისთვისაც.
რა აღმოაჩინეს მკვლევრებმა?
ამ კვლევაში მკვლევრებმა გააანალიზეს 22,867 მონაწილის ნიმუშები, რათა გაეგოთ, თუ როგორ მოქმედებს ყავა ნაწლავის ბაქტერიებზე. მათ მონაწილეები დაყვეს სამ ჯგუფად: „არასდროს” (ვინც თვეში სამ ფინჯანზე ნაკლებს სვამს), „ზომიერი” ყავის მსმელები (ისინი, ვინც სვამს თვეში მინიმუმ სამ ფინჯანს დღეში სამ ფინჯანამდე) და „მძიმე” ყავის მსმელები (ისინი, ვინც სვამს სამ ან მეტ ფინჯანს დღეში).
„მკვლევრებმა დაადგინეს, რომ ყავის მსმელებს აქვთ ბაქტერიების ერთი შტამის, L. asaccharolyticus-ის უფრო მაღალი დონე. დასკვნები ვარაუდობენ, რომ ყავის დალევა შეიძლება დადებითად მოქმედებს ნაწლავის ჯანმრთელობაზე, ხელს უწყობს კარგი ბაქტერიების ზრდას”, – ნათქვამია სტატიაში.
ზუსტად როგორ უწყობს ხელს ყავა სასარგებლო ბაქტერიების ზრდას?
დოქტორი აღნიშნავს, რომ მხოლოდ კოფეინი არ უწყობს ხელს ჯანსაღ ბაქტერიებს, რადგან უკოფეინირებული ყავის დალევაც კი დადებითად მოქმედებს ჩვენს ნაწლავებზე. სავარაუდოდ, მთავარ როლს ასრულებს ყავაში შემავალი პოლიფენოლები, რომლებიც ხელს უწყობენ სასარგებლო ბაქტერიების ზრდას.
რამდენი ყავა გჭირდებათ ამ სარგებლის მისაღებად?
„სრულიად უსაფრთხოა დღეში ერთიდან ორი ფინჯანი ყავის დალევა და ეს საკმარისი იქნება ნაწლავის ფლორის სტიმულირებისთვის. ეს დაგეხმარებათ გრძელვადიანი ჯანმრთელობის გაუმჯობესებაში“, – ამბობს დოქტორი კაპლანი.
კარგი ამბავი მათთვის, ვისაც უყვარს ყავაში ცოტაოდენი რძის ან შაქრის დამატება: კვლევამ აჩვენა, რომ ეს დანამატები ხელს არ უშლის ნაწლავების ჯანმრთელობას.
