ისრაელის პოლიციამ განაცხადა, რომ თელ-ავივის სამხრეთ გარეუბანში სამი ავტობუსი აფეთქდა. ხელისუფლებამ ინციდენტს „საეჭვო ტერორისტულ თავდასხმა“ უწოდა.
ოფიციალური პირების თქმით, აფეთქების შედეგად არავინ დაშავებულა, რადგან ინციდენტის დროს ავტობუსები გაჩერებული და ცარიელი იყო.
„წინასწარი მოხსენება – სავარაუდო ტერორისტული თავდასხმა. მიღებულია მრავალი ცნობა ბატ იამში სხვადასხვა ადგილას რამდენიმე ავტობუსის აფეთქების შესახებ“, – ნათქვამია პოლიციის განცხადებაში.
განცხადების თანახმად, ეჭვმიტანილების მოსაძებნად პოლიცია მობილიზებულია.
„პოლიციის ბომბების განადგურების ქვედანაყოფები დამატებით საეჭვო ობიექტებს ამოწმებენ. მოვუწოდებთ საზოგადოებას, მოერიდონ ტერიტორიებს და ნებისმიერი საეჭვო ნივთის მიმართ სიფრთხილე გამოიჩინონ“, – ნათქვამია პოლიციის განცხადებაში.
ისრაელის მედია იტყობინება, რომ ორი სხვა ასაფეთქებელი მოწყობილობა განეიტრალებულია.
QR კოდი
სტატიის ციტირება
შენი ამბები. (2025). ისრაელში სამი ცარიელი ავტობუსი აფეთქდა. 21 თებერვალი, 2025. https://sheniekimi.ge/ambebi/ისრაელში-სამი-ცარიელი-ავ/
