“ქუჩაში ბანკის ბარათი ამომივარდა, საღამოს ჩემი ბარათით მაღაზიაში თანხა გადაიხადეს, თავქუდმოგლეჯილი გავვარდი იმ მაღაზიაში და რას ვხედავ…”

ცოტა ხნის წინ, სოციალურ ქსელში საკუთარ გვერდზე ერთ-ერთმა მომხმარებელმა სასიამოვნო პოსტი გამოაქვეყნა:

“გიზიარებთ ერთ ფერად ამბავს. ქუჩაში ამომივარდა ბარათი. იმ საღამოსვე მოიხსნა 35 თეთრი ერთ-ერთ სუპერმარკეტში.

იმდენად გამიკვირდა ასეთი მცირე თანხის მოჭრა, საკუთარ თავში ეჭვიც კი შევიტანე, ეგებ მე ვიყიდე რამე და არ მახსოვსმეთქი.მოკლედ, გადავრეკე ამ სუპერმარკეტის ცხელ ხაზზე და დამიდასტურეს, რომ მათ ჰქონდათ ჩემი ბარათი.

მივედიასაღებად და აღმოჩნდა, რომ ვიღაც კეთილმა ადამიანმა იპოვა და ნიშანი რომ მოეცა, სად მიმეკვლია. ბარათი გამყიდველს ჩააბარა 35 თეთრთან ერთად… ესეთებიც ხდება”.

- Advertisement -