გერმანიის პარლამენტის (ბუნდესტაგის) საგარეო საქმეთა კომიტეტის თავმჯდომარე, მიხაილ როთი საქართველოში ჩამოვიდა, – ამის შესახებ სოციალურ პლატფორმა X-ზე თავად როთი იუწყება.
„დაბრუნება ქალაქში. თბილისი ევროპის ნამდვილი დედაქალაქია“, – წერს როთი.
მანამდე, მიხაილ როთი საქართველოში მიმდინარე მოვლენებს კიდევ ერთხელ გამოეხმაურა და განაცხადა, რომ ისეთი ავტორიტარული რეჟიმი, როგორიც საქართველოშია, ადრე თუ გვიან, წააგებს.
„ისეთი ავტორიტარული რეჟიმი, როგორიც საქართველოშია, რომელიც დაპატიმრებით ცდილობს ოპოზიციის და კრიტიკული ხმების გაჩუმებას, ადრე თუ გვიან, წააგებს. ბატონო ივანიშვილო, ახლავე გაათავისუფლეთ ყველა პოლიტპატიმარი!“ – დაწერა როთმა.
QR კოდი
სტატიის ციტირება
შენი ამბები. (2025). მიხაილ როთი საქართველოში ჩამოვიდა. 13 იანვარი, 2025. https://sheniekimi.ge/ambebi/მიხაილ-როთი-საქართველოში/
