სოციალურ ქსელში გავრცელებული ინფორმაციის მიხედვით, უშგულში მდებარე „კაფე-ბარი ენგური“ დაიწვა. ფოტოებს და ვიდეოს ადგილიდან მინდია ჩარქსელიანი გვიზიარებს და იმედოვნებს, რომ კარგი ადამიანების თანადგომით „კაფე-ბარ ენგურის“ გუნდი კვლავ შეძლებს საქმიანობის განახლებას.
„გვიან ღამით, უშგულში, Ushguli • Cafe-Bar Enguri დაიწვა 
კარგი ადამიანების ბევრი წლის შრომა და თავდადება ცეცხლმა დაფერფლა.
რამდენიმე წუთში ყველაფერი განადგურდა და ვერაფრის გადარჩენა ვერ მოხერხდა. მხოლოდ რამდენიმე ბოძი და კვამლის სვეტი დგას ყველასთვის საყვარელი კაფე ენგურის ადგილას
მჯერა, კარგი ადამიანების თანადგომით, ენგურის გუნდი შეძლებს და უშგულის ეს პოპულარული ადგილი ისევ განაახლებს საქმიანობას! დახმარების მსურველებისთვის დამატებით ინფორმაციას მოგვიანებით მოგაწვდით“, – წერია გავრცელებულ ინფორმაციაში.
