სომხეთში „დასავლეთ ნილოსის“ ცხელებით 58 ადამიანია ინფიცირებული, მათგან 41 ჰოსპიტალიზებულია, ოთხი პაციენტის მდგომარეობა მძიმეა, დანარჩენების კი – საშუალო სიმძიმის.
ამის შესახებ ინფორმაციას ქვეყნის დაავადებათა კონტროლისა და პროფილაქტიკის ცენტრის გენერალური დირექტორი სტეპან ატოიანი ავრცელებს.
მისი თქმით, ვირუსის პირველი შემთხვევა 7 აგვისტოს არაგაწოტნის ოლქში დაფიქსირდა.
ამჟამად ვირუსის გავრცელების სავარაუდო არეალად არაგაწოტნის, არმავირისა და არარატის ოლქები მოიაზრება.
ვირუსის გავრცელება დაინფიცირებული კოღოების საშუალებით ხდება და ადამიანიდან ადამიანზე არ გადადის.
QR კოდი
სტატიის ციტირება
შენი ამბები. (2024). სომხეთში „დასავლეთ ნილოსის“ ცხელებით 58 ადამიანია ინფიცირებული, ოთხი პაციენტის მდგომარეობა მძიმეა. 21 აგვისტო, 2024. https://sheniekimi.ge/ambebi/სომხეთში-დასავლეთ-ნილოს/
