თურქეთმა „ინსტაგრამზე“ შეზღუდვა მოხსნა. „როიტერის“ ცნობით, ანკარამ გადაწყვეტილება მას შემდეგ მიიღო, რაც „ინსტაგრამის“ ხელმძღვანელობა ქვეყნის მთავრობასთან თანამშრომლობას დათანხმდა.
თურქეთში „ინსტაგრამზე“ შეზღუდვა ცხრა დღის განმავლობაში მოქმედებდა. მიზეზი სოციალური ქსელის მიერ ისმაილ ჰანიეს მკვლელობასთან დაკავშირებული სამძიმრის შემცველი ჩანაწერების გავრცელების შეზღუდვა გახდა.
