ახალი აღმოჩენა – სისხლის მოძრავმა უჯრედებმა, რომლებიც „ნადირობენ და ანადგურებენ“ კიბოს, შეიძლება შეაჩერონ დაავადების გავრცელება

მოძრავი სისხლის თეთრი უჯრედები, რომლებიც ნადირობენ კიბოს სხეულის სხვადასხვა ნაწილში, შეიძლება იყოს გასაღები სიმსივნეების გავრცელებაში.

ძუძუს კიბოს მქონე პაციენტებზე ჩატარებულმა კვლევამ აჩვენა, რომ იმუნური სისტემის ზოგიერთ B უჯრედს ახსოვს, თუ როგორ უნდა ამოიცნოს კიბოს უჯრედები და „მოგზაურობს“ სხეულში მათი პოვნისა და განადგურების მიზნით.

მეცნიერები იმედოვნებენ, რომ მათ შეუძლიათ გაამრავლონ ეს სუპერუჯრედები ლაბორატორიაში და შემდეგ გაუკეთონ ისინი პაციენტს, რათა სხეულმა შეძლოს და გამოიმუშაოს უნარი, ბუნებრივად ებრძოლოს კიბოს.

კვლევის ავტორმა კიბოს კვლევის ინსტიტუტიდან, თქვა: „როდესაც კიბო სხეულის სხვა ნაწილებზე ვრცელდება, ხშირად უფრო რთულია მისი მკურნალობა. ჩვენი კვლევა ცხადყოფს, რომ იმუნური პასუხი არ შემოიფარგლება მხოლოდ იმ ადგილით, სადაც თავდაპირველად სიმსივნე ჩნდება.

ჩვენ მიერ შემუშავებული ინსტრუმენტი საშუალებას მოგვცემს გავადიდოთ და ამოვიცნოთ B უჯრედები, რომლებმაც ამოიცნეს კიბოს უჯრედები, ისევე როგორც ანტისხეულები, რომლებსაც ისინი აწარმოებენ. ეს საშუალებას მოგვცემს განვავითაროთ ანტისხეულებით მკურნალობა“.

ასევე, პროფესორმა კრისტიან ჰელინმა, ICR-ის აღმასრულებელმა დირექტორმა, თქვა: „იმუნოთერაპიამ შეცვალა პერსპექტივა სხვადასხვა სიმსივნის მიმართ, მაგრამ, სამწუხაროდ, ისინი მაინც მუშაობს მხოლოდ პაციენტების უმცირესობისთვის. ჩვენ გვჭირდება მეტი გაგება, თუ როგორ იცავს იმუნური სისტემა ორგანიზმს კიბოსგან.

კვლევების უმეტესობა ფოკუსირებულია T უჯრედების როლზე, მაგრამ ეს კვლევა გვაძლევს მნიშვნელოვან ინფორმაციას B უჯრედების როლზე. ამით შეიძლება განვითარდეს თერაპიები, რომლებიც ბევრად მეტ ადამიანში იმუშავებს, ვიდრე არსებული იმუნოთერაპიის უმეტესობა“.