საზაფხულო ბაღების პროექტი დასრულდა, რომლითაც თბილისის საჯარო საბავშვო ბაღებში 2023-2024 სააღმზრდელო წელი დაიხურა, – ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა.
დედაქალაქის მერმა ბაღების ინფრასტრუქტურისა და საგანმანათლებლო მიმართულებით განხორციელებულ პროექტებზე ისაუბრა და აღნიშნა, რომ მსგავსი ღონისძიებები მომავალშიც აქტიურად გაგრძელდება.
****
პარიზის 2024 წლის ოლიმპიურ თამაშებზე ძიუდოისტმა ლაშა ბექაურმა (90კგ) მეოთხედფინალში გაიმარჯვა და ნახევარფინალში გადავიდა. მეოთხედფინალში ბექაურმა სამხრეთ კორეელი ჯუი-ეოპ ჰანი იპონით დაამარცხა.
შეგახსენებთ, ამ დროისთვის, საქართველოს ერთი მედალი აქვს. მსოფლიოს სამგზის ჩემპიონმა, ტატო გრიგალაშვილმა საქართველოს ნაკრებს პარიზის ოლიმპიადაზე ვერცხლის მედალი მოუტანა.
****
საქართველოს მართვის სისტემა ყველა საერთაშორისო კომპეტენტური ორგანიზაციის მიერ აღიარებულია და ამ მართვის სისტემის შემქმნელები არანაირად არ იმსახურებენ, რომ სანქციების ქვეშ მოხვდნენ! – ამის შესახებ პარლამენტის პირველმა ვიცე-სპიკერმა გია ვოლსკიმ საქართველოსთან დაკავშირებით აშშ-ს სახელმწიფო მდივნის მოადგილის ჯეიმს ო’ბრაიენის შეფასებების პასუხად განაცხადა.
ვოლსკის მტკიცებით, საქართველო არც ერთი მაჩვენებლით ბევრი ევროპული ქვეყნის მართვის სტანდარტს არ ჩამორჩება – დაწყებული კორუფციის მაჩვენებლით, დასრულებული ადამიანის უფლებების დაცვის საკითხით.
****
თბილისის მერი კახა კალაძე ტატო გრიგალაშვილს პარიზის ოლიმპიადაზე ვერცხლის მედლის მიღებას ულოცავს.
ქართველi სპორტსმენის წარმატებაზე თბილისის მერმა დღეს დედაქალაქის მთავრობის სხდომაზე ისაუბრა და ოლიმპიადის ყველა მონაწილეს წარმატებები უსურვა.
ომი არ გვსურს, მაგრამ ყველა შესაძლებლობისთვის ვემზადებით, – ამის შესახებ ისრაელის თავდაცვის მინისტრმა, იოავ გალანტმა განცხადა.
****
იოავ გალანტი ისრაელის თავდაცვის ძალების ჯარისკაცებს სამხედრო ბაზაზე შეხვდა.
შეგახსენებთ, „ჰამასის“ პოლიტბიუროს ხელმძღვანელი, ისმაილ ჰანიე დღეს თეირანში, საჰაერო თავდასხმას ემსხვერპლა. „ჰამასი“ ჰანიეს მკვლელობაში ისრაელს ადანაშაულებს.
