ვაშინგტონის საჯარო სკოლებს 2025 წლისთვის ლგბტქ ისტორიის სწავლება მოეთხოვებათ.
ამერიკული მედიის ინფორმაციით, ვაშინგტონის შტატის დემოკრატმა გუბერნატორმა, ჯეი ინსლიმ ხელი მოაწერა ვაშინგტონის შტატის „სენატის კანონპროექტს 5462“, რომელიც ვაშინგტონის საჯარო სკოლებს ავალდებულებს, შექმნან სასწავლო პროგრამა მარგინალიზებული თემების ისტორიების, წვლილისა და პერსპექტივების ჩათვლით. ეს მოიცავს ფერადკანიან ადამიანებს, ლტოლვილებს, შეზღუდული შესაძლებლობის მქონე პირებს და სხვადასხვა ეთნიკურ და რელიგიურ ჯგუფს.
ადგილობრივი მედია წერს, რომ 2025 წლის ივნისისთვის სახელმწიფო განათლების წარმომადგენლები გადახედავენ სამოდელო პოლიტიკას. შემდეგ, მომავალი წლის ოქტომბრისთვის ვაშინგტონის ყველა საჯარო სკოლას მოუწევს ახალი სასწავლო გეგმის დანერგვა.
