ნატა ფერაძეს სასამართლომ ხუთდღიანი ადმინისტრაციული პატიმრობა შეუფარდა.
მოსამართლემ ის სამართალდამრღვევად ცნო საქართველოს ადმინისტრაციულ სამართალდარღვევათა კოდექსის 166-ე მუხლის პირველი ნაწილით, რაც წვრილმან ხულიგნობას გულისხმობს.
ადმინისტრაციული პატიმრობის შესახებ მოსამართლის განჩინება ნატა ფერაძემ დღეს მიიღო. ამ დროისთვის ფერაძის საცხოვრებელ სახლთან სამართალდამცველები იმყოფებიან და მისი გადაყვანის პროცედურა მიმდინარეობს.
