აშშ-ის პრეზიდენტი დონალდ ტრამპი საფრანგეთში მიმდინარე მასშტაბურ არეულობას გამოეხმაურა და განვითარებული მოვლენები ქვეყანაში არსებულ საიმიგრაციო პოლიტიკას დაუკავშირა.
„საფრანგეთი იწვის! სრულიად განსხვავებული სამყაროდან ადამიანების იმიგრაციამ იმ ადამიანების, რომლებსაც გულში სიძულვილი აქვთ, ეს ოდესღაც დიდებული ქვეყანა დაანგრია. ჩაკეტეთ თქვენი საზღვრები და აიღეთ კონტროლი, სანამ გვიან არ არის!“, – განაცხადა ტრამპმა.
საფრანგეთში საპროტესტო ტალღა თავდაპირველად სტუდენტებისა და მოსწავლეების გამოსვლებით დაიწყო, რომლებიც სკოლებში პერსონალის დამატებასა და ინფრასტრუქტურის გაუმჯობესებას ითხოვდნენ. მოგვიანებით პროტესტი გაფართოვდა და მას შეუერთდნენ პროფკავშირები და მოქალაქეები, რომლებიც ცხოვრების გაძვირებასა და საჯარო სერვისების მდგომარეობას აპროტესტებენ.
მშვიდობიანი დემონსტრაციები დროთა განმავლობაში ძალადობაში, შენობებისა და ავტომობილების გადაწვასა და მაღაზიების ძარცვა-რბევაში გადაიზარდა.
