აზიის განვითარების ბანკმა (ADB) საქართველოში პროფესიული განათლების გაუმჯობესების მიზნით 68,2 მილიონი ლარის (25 მილიონი აშშ დოლარის ექვივალენტი) სესხი დაამტკიცა. დაფინანსება მეორედ განხორციელებული ქვეპროგრამის ნაწილია, რომელიც ხელს უწყობს პროფესიული განათლების ხარისხის გაუმჯობესებას და მის ხელმისაწვდომობას.
პროგრამა დაეხმარება საქართველოს ეკონომიკის პრიორიტეტული დარგებისთვის შესაბამისი პროფესიული პროგრამების შექმნას, გაზრდის წვდომას პროფესიულ განათლებაზე და კიდევ უფრო გააძლიერებს კერძო სექტორის ჩართულობას. ADB-ს ცნობით, პროექტში განსაკუთრებული ყურადღება ექცევა სოფლად მცხოვრები ახალგაზრდებისა და მოწყვლადი ჯგუფების განათლებასა და დასაქმებას, ხელს უწყობს ქალთა დასაქმებას და კლიმატის ცვლილებებზე მომზადებას.
ADB-ის მხარდაჭერით, პროფესიული განათლების სისტემაში გაიზრდება კურსდამთავრებულთა დასაქმება, რაც დადებით გავლენას მოახდენს საქართველოს ადგილობრივი ეკონომიკის განვითარებაზე. 2020 წელს დაწყებული რეფორმების შედეგები უკვე ვლინდება — გაიზარდა მოთხოვნა პროფესიულ განათლებაზე და ქვეყანაში უმუშევრობის დონე ისტორიულად დაბალია. კითხვის გაგრძელება…
