სებ-ის კვლევა, რომელიც 2021- 2024 წლის პერიოდს მოიცავს, საქართველოში სოფლის მეურნეობის ბაზარს მიმოხილავს.
როგორც ეროვნული ბანკი განმარტავს, ის მიზნად ისახავს საქართველოში სოფლის მეურნეობის სექტორის ბიზნესგარემოსა და ფინანსური მაჩვენებლების შეფასებას.
სებ-ის მონაცემებით, 2024 წელს ქვეყანაში რძისა და რძის ნაწარმის დღიურმა წარმოებამ 841 ათასი ტონა შეადგინა, რაც ბოლო 4 წელში ყველაზე მაღალი მაჩვენებელია. შედარებისთვის, 2021 წელს ქვეყანაში დღიური წარმოება 780 ათასი ტონა იყო, 2022 წელს – 822 ათასი ტონა, 2023 წელს – 824 ათასი ტონა.
ამასთან, აღსანიშნავია, რომ გასულ წელს დღიურად მოხმარების 91% ადგილობრივ პროდუქციაზე მოდიოდა, ხოლო 9% იმპორტირებულზე. პროცენტულად იგივე მაჩვენებლები იყო წინა 3 წლის განმავლობაშიც.
რაც შეეხება რძის ფასს, კვლევის მიხედვით მზარდია და მსოფლიო ფასებთან შესაბამისობაშია.
უფრო კონკრეტულად, 2023 წლის მდგომარეობით, საქართველოში 1 ლიტრი რძის ღირებულება საშუალოდ 0,59 აშშ დოლარი იყო. რაც შეეხება სხვა ქვეყნებს, იქ რძის ფასები ასე გამოიყურება:
- ინდოეთი – 1 ლიტრი 0,69 აშშ დოლარი;
- აშშ – 1 ლიტრი 0,46 აშშ დოლარი;
- ჩინეთი – 1 ლიტრი 0,54 აშშ დოლარი;
- ბრაზილია – 1 ლიტრი 0,43 აშშ დოლარი;
- გერმანია – 1 ლიტრი 0,51 აშშ დოლარი;
- რუსეთი – 1 ლიტრი 0,39 აშშ დოლარი;
- საფრანგეთი – 1 ლიტრი 0,54 აშშ დოლარი;
- აზერბაიჯანი – 1 ლიტრი 0,47 აშშ დოლარი;
- სომხეთი – 1 ლიტრი 0,47 აშშ დოლარი.
კვლევის მიხედვით, საქართველოში 1 ლიტრი რძის ფასი 2022 წელს 0,54 აშშ დოლარი იყო, 2021 წელს – 0,38 აშშ დოლარი.
