ლანჩხუთის მუნიციპალიტეტის მერია დიდთოვლობასთან დაკავშირებით განცხადებას გავრცელებას ავრცელებს.
„ლანჩხუთის მუნიციპალიტეტის მოსახლეობას, ინტენსიური თოვის გამო, პრობლემები შეექმნა. მობილიზებულია 25 ერთეული ტექნიკა, თუმცა რთული მეტეოროლოგიური პირობების გამო ვერ ხერხდება ტექნიკის დროული გადაადგილება. დღის ბოლომდე ცენტრალური გზები მაღალი გამავლობის მანქანებისთვის გაიწმინდება. ლანჩხუთის მერის ალექსანდრე სარიშვილის ხელმძღვანელობით შექმნილია საგანგებო შტაბი, რომელიც 24-საათიან რეჟიმში მუშაობს“ _ აღნიშნულია განცხადებაში.
ლანჩხუთის მერიაში ამოქმედებულია ცხელი ხაზი: „საჭიროების შემთხვევაში შეგიძლიათ დარეკოთ: 599 111 437; 591 19 23 66; 577 39 83 22. მოვუწოდებთ მოსახლეობას, თავი შეიკავონ გადაადგილებისგან და გაგებით მოეკიდონ შექმნილ სიტუაციას“ _ ვკითხულობთ მერიის ფეისბუქ-გვერდზე.
