ლოს-ანჯელესის ცენტრში, სადაც დემონსტრანტები გამოსვლებს მართავენ, კომენდანტის საათი ამოქმედდა. ინფორმაციას CNN-ი ქალაქის მერზე, კარენ ბასზე დაყრდნობით ავრცელებს.
ქალაქის ფართობი, რომელზეც კომენდანტის საათი ვრცელდება, დაახლოებით 1,6 კვადრატული კილომეტრია. როგორც CNN-ს სამართალდამცავ ორგანოებში წყარომ განუცხადა, კომენდანტის საათი ლოს-ანჯელესის დაახლოებით 100 ათას მაცხოვრებელს შეეხება.
„ნებისმიერი ადამიანი, რომელიც უკანონო შეკრებებში მონაწილეობის მიღებას ან დანაშაულის ჩადენას გააგრძელებს, დაკავებული და დაპატიმრებული იქნება“, – ციტირებს ტელეარხი ლოს-ანჯელესის პოლიციას.
