ახალციხეში, 9 აპრილის ქუჩაზე, საცხოვრებელ კორპუსში ორი ადამიანის, ქალისა და მამაკაცის ცხედარი იპოვეს.
ადგილობრივების ინფორმაციით, წყვილი რამდენიმე წლის განმავლობაში არარეგისტრირებულ ქორწინებაში იმყოფებოდა.
როგორც მეზობლები „სამხრეთის კარიბჭესთან“ ჰყვებიან, შემთხვევის შესახებ დღეს გაიგეს; „კარი ღია იყო, შევიდნენ და გარდაცვლილები ნახეს“. მათივე ცნობით, წყვილი ახალციხეში ქირით ცხოვრობდა. მამაკაცი ასპინძიდან არის, ქალი კი ახალციხის მუნიციპალიტეტის ერთ–ერთი სოფლიდან.
მომხდარზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს
