„ვცდილობ, პარკეტზე ჩემს შვილებთან ერთად ხშირად ვიყო, დავანახო, რომ დარბაზში გატარებულ ყოველ წუთს მოფრთხილება სჭირდება“ – რას წერს ზაზა ფაჩულია

ზაზა ფაჩულია შვილებთან ურთიერთობის შესახებ სოციალურ ქსელში წერს და აღნიშნავს, რომ ცდილობს, შვილებთან ერთად ხშირად ივარჯიშოს.

„შვილებთან ურთიერთობას განსაკუთრებულს მათზე დაკვირვება და იმის დანახვა ხდის, როგორ სწავლობენ, იზრდებიან და უმკლავდებიან სირთულეებს. ვცდილობ, პარკეტზე მათთან ერთად ხშირად ვიყო, გავუზიარო გამოცდილება და ამასთან ერთად, დავანახო, რომ დარბაზში გატარებულ ყოველ წუთს მოფრთხილება სჭირდება. ყოველი დღე და ვარჯიშზე მისვლა ახალი შანსია, გავხდეთ უკეთესები, როგორც სპორტსმენები და როგორც ადამიანები“, – წერს ზაზა ფაჩულია.