შინაგან საქმეთა სამინისტრო ბათუმში, კომახიძის ქუჩაზე 20 იანვარს მომხდართან დაკავშირებით განცხადებას ავრცელებს.
როგორც უწყებაში ამბობენ, დააკავეს ფსიქიკური აშლილობის მქონე მოქალაქე, რომელიც გამოძახებაზე მისულ პოლიციელებს დანით თავს დაესხა, რა დროსაც, სხეულის სხვადასხვა არეში დაიჭრა სამი პატრულ-ინსპექტორი.
„მიმდინარე წლის 20 იანვარს საზოგადოებრივი უსაფრთხოების მართვის ცენტრ 112-ში შემოვიდა შეტყობინება ბათუმში, კომახიძის ქუჩაზე მყოფ ფსიქიკური აშლილობის მქონე მოქალაქესთან დაკავშირებით.
შეტყობინების საფუძველზე ადგილზე გამოცხადდნენ საპატრულო პოლიციის დეპარტამენტის აჭარის მთავარი სამმართველოს თანამშრომლები, რა დროსაც ფსიქიკურად დაავადებული პირი – 1998 წელს დაბადებული გ.ნ. თან ნაქონი დანით მათ მოულოდნელად თავს დაესხა.
გ.ნ.-მ მის განიარაღებისა და დაკავების პროცესში სამ პატრულ-ინსპექტორს სხეულის სხვადასხვა არეში დანის
გამოყენებით ჭრილობები მიაყენა.
სამართალდამცველებმა გ.ნ. ბრალდებულის სახით ადგილზე დააკავეს. დაშავებული პატრულ-ინსპექტორები საავადმყოფოში გადაიყვანეს, სადაც შესაბამისი სამედიცინო დახმარება ჩაუტარდათ. სამივე მათგანი ამ დრომდე კლინიკაში რჩება.
პოლიციაზე თავდასხმის ფაქტზე გამოძიება სისხლის სამართლის კოდექსის 353-ე
პრიმა მუხლით მიმდინარეობს“, – ნათქვამია განცხადებაში.
