ქეით მიდლტონის მიერ გუშინ გამოქვეყნებულ ვიდეოს უკვე უამრავი ექსპერტი გამოეხმაურა. განსაკუთრებული აქცენტი კეთდება ვიდეოს იმ ნაწილზე, სადაც ქეით მიდლტონისა და პრინცი უილიამის ურთიერთობა უფრო ახლოდან ჩანს. თუ აქამდე უელსები თავს იკავებდნენ საკუთარი ემოციების დემონსტრირებისგან, ახალ ვიდეოში ყველაფერი პირიქითაა. სპეციალურ მიმართვაში, რომლითაც მიდლტონმა გვამცნო, რომ ქიმიოთერაპიის კურსი დაასრულა, ქეითსა და უილიამს შორის, განსაკუთრებული სიყვარული იგრძნობა. ჩანს, რომ სიმსივნესთან ბრძოლისას ქეითმა დრო ოჯახს დაუთმო და ყველაზე დიდი დრო, ბუნებაში გაატარა.
ვიდეო მიმართვაში უელსის პრინცესა თავადვე განმარტავს, როგორ შეცვალა დიაგნოზმა მისი და უილიამის წარმოდგენა ცხოვრებაზე. რომ ისინი მეტად დაფიქრდნენ იმ დეტალებზე, რასაც აქამდე ყურადღებას არ აქცევდნენ. შეიძლება ითქვას, რომ კენსინგტონის სასახლის მიერ გამოქვეყნებული ეს ვიდეო, ყველაზე ემოციურია სამეფო ოჯახის მიერ ოდესმე გავრცელებულ ვიდეოებს შორის.
მასალის გამოყენების პირობები
