როგორ დავამარცხოთ გაციება ერთ დღეში

დაავადების პირველი ნიშნები შეიძლება გამოჩნდეს ინფიცირების შემდეგ რამდენიმე საათში, ან ორი დღის განმავლობაშიც არ გახდეს ცნობილი. სიმპტომები ჩვეულებრივ ვითარდება შემდეგი თანმიმდევრობით:

დღე 1: ყელის ტკივილი, გამოწვეული ფარინგიტით – ყელის ლორწოვანი გარსის ანთებით.

დღე 2-3: სურდო, ცემინება, ცხვირის გაჭედვის შეგრძნება, გამოწვეული რინიტით – ცხვირის ლორწოვანი გარსის ანთებით.

დღე 4-5: ხველა, გამოწვეული ყელის წვასთან, რომელიც აღიზიანებს ხველის რეცეპტორებს. ვირუსის ბრონქებში გავრცელებასთან ერთად, ხველა ხდება რეაქცია გაზრდილი სეკრეციის გამო და აუცილებელია ლორწოს მოშორებისათვის.

სისუსტე და ტკივილი სხეულში შეიძლება პაციენტს თან სდევდეს მთელი პერიოდი, ან გაქრეს უკვე მესამე დღეს. ეს ჩვეულებრივი ასთენიური სინდრომის გამოვლინებებია. ის ასევე შეიძლება მოიცავდეს შუქის შიშს, ემოციურ დეპრესიას, ხმებზე და სუნებზე გაზრდილ მგრძნობელობას. ეს ყველაფერი მიუთითებს ნერვული სისტემის დამატებით დატვირთვაზე დაავადების პერიოდში.

როგორ განვასხვავოთ გაციება სხვა დაავადებებისგან?

გაციება – ეს არის უსიამოვნო, მაგრამ შედარებით უსაფრთხო მოვლენა. თუმცა, ზუსტად იგივე სიმპტომები შეიძლება ჰქონდეს სხვა, უფრო სერიოზულ დაავადებებს. ამიტომ მნიშვნელოვანია იცოდეთ:

გაციებისას ტემპერატურა ყოველთვის არ არის მაღალი. ის არასდროს აღემატება 39 გრადუსს და მაქსიმუმ ორ დღეში ქრება. თუ ასე არ მოხდა, მაშინ საქმე უკვე გრიპს ეხება.

ყელის ტკივილი ყოველთვის არ მიუთითებს გაციებაზე. თუ ის დიდხანს არ გადის, ლიმფური კვანძების გაზრდასთან და ნუშის ჯირკვლებზე პურისებური ნადების გაჩენასთან ერთად, ეს მიუთითებს ტონზილიტზე (ანგინა). აქ უკვე ანტიბაქტერიული თერაპიაა საჭირო.

ხველა გაციებისას ორ კვირაზე დიდხანს არ გრძელდება. თუ ის გრძელდება, შესაძლებელია, ორგანიზმში მოხვდნენ პნევმოცისტები, სოკოები ან მიკოპლაზმები.

საერთო რეკომენდაციები

იშვიათია ადამიანი, რომელიც დაავადების პირველი ნიშნების გამოვლენისთანავე ექიმს მიმართავს. პირველი ორი-სამი დღე შეიძლება უბრალოდ იწვე. მაგრამ თუ ოთხი დღის შემდეგ მდგომარეობა არ გაუმჯობესდა ან გაუარესდა, ექიმის დახმარება აუცილებელია.

შეგიძლიათ გამოიყენოთ შემდეგი მეთოდები მდგომარეობის შემსუბუქებისთვის:

• მეტი წყლის სმა (განსაკუთრებით, თუ ტემპერატურა მაღალია);
• თამბაქოზე უარის თქმა;
• დასვენება (სასურველია ძილი) რაც შეიძლება დიდხანს;
• კომფორტული ჩაცმა ;
• ოთახის განიავება;
• ჰაერის დატენიანება.

• გაციებას ვმკურნალობთ ერთ დღეში

  ამაში დაგვეხმარება აფთიაქებში თავისუფლად ხელმისაწვდომი მედიკამენტები. გაციების ჩაი, წყალში გასახსნელი ვიტამინი C.

  ჩვენი მიზანია სიმპტომების სწრაფი მოხსნა.

  სიცხის დამწევი, ანთების საწინააღმდეგო, ტკივილგამაყუჩებელი საშუალებები:

  • იბუპროფენი, პარაცეტამოლი.

  ყელის ტკივილი:

  • ჰექსეტიდინი, ბიკლოტიმოლი, ამბაზონი.

  სურდო:

  • ანტისეპტიკები, შეშუპების საწინააღმდეგო, სისხლძარღვთა შემავიწროებელი საშუალებები.
  • ქსილომეტაზოლინი, ზღვის წყალი, ფენილეფრინი.

  ხველა:

  • სეკრეტოლიტიკები, მუკოლიტიკები.ამბროქსოლი, ბრომგექსინი, ტერმოფსისის ბალახი, იმბირის ფესვის ექსტრაქტი, აცეტილცისტეინი (ACC და სხვ.).