წყალი წარმოადგენს ადამიანის ორგანიზმის მთავარ ელემენტს: ტვინის 90% სწორედ მისგან შედგება. ბევრი ადამიანი კიდევ ვერ აცნობიერებს, რამდენად მნიშვნელოვანია დილით, უზმოზე წყლის დალევა. არადა ეს ასე მნიშვნელოვანი და სასარგებლო თვისება, წარმოადგენს ორგანიზმის გაჯანსაღების საუკეთესო საშუალებას.
გაწმენდა
უზმოზე დალეული წყალი – იდეალური საშუალებაა ორგანიზმის გაწმენდისთვის. თანამედროვე სამყაროში ადამიანს ტექნო-გარემოში უწევს ცხოვრება, სადაც ის გარშემორტყმულია ქიმიური ნივთიერებებით, გამოფრქვეული აირითა და სხვა მრავალი ჯანმრთელობისთვის მავნე ნივთიერებით, რომლებიც უარყოფით გავლენას ახდენენ ორგანიზმზე. ამიტომ, დილით, უზმოზე დალეული ერთი ჭიქა წყალი, წარმოადგენს ორგანიზმიდან ტოქსინების გამოდევნისა და დაავადებების თავიდან აცილების ერთ-ერთ საუკეთესო და მარტივ საშუალებას.
შინაგანი ორგანოების გაწმენდის შემდეგ აქტიურდება მეტაბოლიზმი და უმჯობესდება ორგანიზმის მდგომარეობა. ასევე წყალი უნარჩუნებს ელასტიურობას ჩვენს კანს და დატენიანებულ კანზე ნაკლებად ჩნდება ნაოჭები.
ენერგიით დამუხტვა
დილაობით, უზმოზე წყლის დალევას თუ ჩვევად აქცევთ, აუცილებლად შეიგრძნობთ სიმსუბუქეს და კარგ განწყობას. თავიდან გაგიჭირდებათ შედეგის შემჩნევა, თუმცა ხანგრძლივი პერიოდით თუ განაგრძობთ წყლის მიღებას, აუცილებლად იგრძნობთ სხვაობას. გაგიქრებათ ძილიანობის გრძნობა, რომელიც ყველას თან სდევს გაღვიძებისას.
პროფილაქტიკა
წყალი – ძალიან კარგი დამხმარეა სხვადასხვა სახის დაავადებების მკურნალობისას. მისი წყალობით შესაძლებელია თავიდან იქნეს აცილებული ისეთ დაავადებები, როგორიცაა: შარდ-სასქესო ორგანოთა დაავადებები, ლეიკემია, კოლიტი, ყაბზობა, სტენოკარდია, ართრიტი, მენინგიტი და მრავალი სხვა.
ზრუნვა და კონტროლი
უზმოზე დალეული წყლის დახმარებით, ჩვენ ვზრუნავთ ლიმფურ და საჭმლის მომნელებელ სისტემებზეც, ხელს ვუწყობთ ორგანიზმიდან კორტიზოლის სტაბილურ გამოყოფას, რაც ზეგავლენას ახდენს მრავალ ბიოლოგიურ პროცესზე. ამის პარალელურად, ვიმყარებთ ორგანიზმის დამცავ სისტემას – იმუნიტეტს, რომელიც პასუხისმგებელია სხვადასხვა ინფექციებთან ბრძოლაზე.
ორგანიზმის განახლება
წყალი ასტიმულირებს სისხლის მატარებელი სისტემას, რაც თავის მხრივ ხელს უწყობს ორგანიზმში მიმდინარე სხვადასხვა პროცესის განახლებას. სწორედ სისხლი აჩქარებს მათ მიმდინარეობას და წარმოადგენს საკვები ნივთიერებების უჯრედებამდე მიტანის ერთ-ერთ საშუალებას. ამიტომ წყალი — იდეალური დამხმარეა ორგანიზმის აღდგენა-რეგენერაციის პროცესისთვის.
წონაში კლება
ორგანიზმიდან შლაკების გამოდევნის პროცესში, ადამიანი იწყებს გახდომას. წონის დაკლებაში ასევე დიდ როლს თამაშობს ნივთიერებათა ცვლის პროცესი. წყლის დახმარებით შესაძლებელია მეტაბოლიზმის დაჩქარება და შიმშილის გრძნობის დათრგუნვა, რისი წყალობითაც ადამიანს შეუძლია ზედმეტი საკვების მიღებისგან თავი შეიკავოს. წყარო
მასალის გამოყენების პირობები
