აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი თბილისში, წყნეთის, თამარაშვილისა და კალაუბნის ქუჩაზე მდებარე აფხაზეთის სამედიცინო დაწესებულებების პერსონალს შეხვდა. ინფორმაციას აფხაზეთის მთავრობა ავრცელებს.
აფხაზეთის ავტონომიური რესპუბლიკის მთავრობის თავმჯდომარის დავალებით მინისტრი პირადად გაეცნო დაწესებულებებში არსებულ ვითარებას, ინფრასტრუქტურას და სამედიცინო პერსონალისგან საჭიროებების შესახებ ინფორმაცია მოისმინა.
ბესიკ კუსიდმა ექიმებს დევნილი ბენეფიციარების ჯანმრთელობაზე ზრუნვისთვის მადლობა გადაუხადა და უახლოეს პერიოდში დაგეგმილ სიახლეებზე ისაუბრა.
შეხვედრებს აფხაზეთის სამედიცინო დაწესებულებების გენერალური დირექტორი ნათია ფარცვანია ესწრებოდა.
