საქართველოს მთავრობამ 2020-2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ დადგენილება გამოაქვეყნა.
დადგენილებაში აღნიშნულია, რა პირობებით ჩამოეწერებათ კლინიკებს კოვიდ პანდემიის დროს დაკისრებული ჯარიმები. სამედიცინო დაწესებულებები ჯარიმის 75%-სგან გათავისუფლდებიან, თუ დავალიანების 25%-ს დაფარავენ და საკითხთან დაკავშირებით არსებულ დავებს შეწყვეტენ.
