ეს ვალერი ადამაშვილია, 14 წლის. ახალშობილობაშივე ჩაუტარდა პირველი ოპერაცია
ჩვენ მას დაბადებიდან ვიცნობთ, ახალშობილობაშივე ჩაუტარდა პირველი ოპერაცია – აორტის თაღის პლასტიკა და პარკუჭთაშუა ძგიდის დეფქტის დახურვა.
აქამდე კიდევ ორი ოპერაცია დასჭირდა 3 და 5 წლის ასაკში სუბაორტული ობსტრუქციის გამო, ახლა კი დაგვიბრუნდა აორტის სარქვლის მკვეთრი სტენოზითა და ნაკლოვანებით.
მისი ასაკიდან გამომდინარე, გადაწყდა, მექანიკური სარქვლის ჩანერგვისგან თავის შეკავება, რათა აცილებოდა მთელი ცხოვრება ვარფარინის მიღების არასასურველ პერსპექტივას. ამიტომ ჩაუტარდა მნიშვნელოვნად უფრო რთული და მასშტაბული „როსს-კონოს“ ოპერაცია (აორტის სარქველი და მის ქვეშ არსებული შევიწროვებული უბანი შეიცვალა გვერდზე მდებარე ნორმალურად განვითარებული თავისივე ფილტვის არტერიის სარქვლით).
ოპერაცია გააკეთა ბავშვთა კარდიოქირურგმა, გთმ-ის კარდიოქირურგიის მიმართულების ხელმძღვანელმა თენგიზ შირიაევმა.
ოპერაციიდან 9 დღეში ვალერი სახლში გაეწერა. აგრძელებს ჯანმრთელი და ბავშვური ცხოვრების წესით ცხოვრებას.
