თირკმლის დაავადებებისა და მკურნალობის მეთოდების შესახებ „შენი ექიმი“ ესაუბრა ექიმ ლია ჩხაბერიძეს, რომელიც გახლავთ „ჯანმრთელობის ეროვნული ორგანიზაციის” ნეფროლოგი, თერაპევტი, ჰემოდიალიზის განყოფილების გამგე.
ცნობისთვის: კლინიკა შპს „ჯანმრთელობის ეროვნული ორგანიზაცია” მდებარეობს ქუთაისში და წარმოადგენს ნეფროლოგიისა და ჰემოდიალიზის ცენტრს.
_ მოგესალმებით, ჩვენს კლინიკაში გეგმიურ რეჟიმში მკურნალობენ დიალიზის სახელმწიფო პროგრამაში ჩართულ პაციენტებს. ყოველდღიურად ტარდება ჰემოდიალიზის სეანსები სამი ცვლის პირობებში. გადაუდებელი ჰემოდიალიზის ჩასატარებელი პირობები შექმნილია კრიტიკული მედიცინისა და გადაუდებელი დახმარების დეპარტამენტშიც.
აღნიშნული სერვისი 24 საათის განმავლობაში ხორციელდება! ჩვენი კლინიკის თითოეული წევრი მაქსიმალურად ცდილობს, პროგრამაში ჩართულმა პაციენტმა თავი კომფორტულად და დაცულად იგრძნოს.
მოგეხსენებათ, 4 საათის განმავლობაში ნახევრად მჯდომარე პოზაში ყოფნა არც ისე კომფორტულია, მაგრამ ეს რამდენიმე საათი პაციენტმა მსუბუქად რომ გადაიტანოს, ხელმძღვანელების გადაწყვეტილებით, ოთახი აღიჭურვა ტელევიზორით, კარგი ხარისხის ინტერნეტით – სურვილისამებრ, ბენეფიციარს შეუძლია წაიკითხოს წიგნი, მოუსმინოს სასიამოვნო მელოდიას და სხვა.
ჩვენს კლინიკაში წარმატებით ფუნქციონირებს სამედიცინო ტურიზმიც და ამ მიმართულებით კლინიკამ არაერთი უცხოელი დიალიზის პაციენტი მიიღო, სტუმრის სტატუსით. პროცედურაზე რაიმე შეფერხება ჰემოდიალიზის ჩატარებასთან დაკავშირებით არ შექმნილა. იგივე სტატუსით პროგრამულ დიალიზზე მყოფ არაერთ პაციენტს, რომელიც სხვა კლინიკაში იტარებს გეგმიურ პროცედურას, ჩვენს კლინიკაში, სუბიექტური გარემოებების დროს წარმოქმნილ გადაუდებელ შემთხვევებში, უტარდება პროგრამული დიალიზი.
_ქალბატონო ლია, დიალიზის რამდენი სახეობა არსებობს და რა არის მისი მთავარი მახასიათებლები?
_ არსებობს დიალიზის ორი სახეობა: ჰემოდიალიზი და პერიტონეალური დიალიზი.
ჰემოდიალიზის დროს სისხლიდან ურემიული ტოქსინების წმენდა წარმოებს „ხელოვნური თირკმლის” აპარატის მეშვეობით. „ხელოვნური თირკმლის” აპარატში სისხლის წმენდის პროცესი ნახევრადგამტარი მემბრანის პრინციპზეა აგებული.
პერიტონეალურიდიალიზის დროს სისხლიდან ურემიული ტოქსინებისა და ჭარბი სითხის ტრანსფორმირება ხორციელდება მუცლის ფარის გავლით.
აღნიშნული ტოქსინები ჯერ წინასწარ შეყვანილ სადიალიზო სითხეში ხვდება, ხოლო შემდეგ გარეთ იდევნება.
ჰემოდიალიზისდროს, ისევე როგორც პერიტონეული დიალიზის დროს, სისხლის ტოქსინებისგან წმენდისა და ჭარბი სითხის გამოდევნის პროცესები ხორციელდება დიფუზიის, ულტრაფილტრაციისა და კონვექციის საფუძველზე.
გადაუდებელ შემთხვევებში ჰემოდიალიზით მკურნალობის დაწყების მიზნით, გამოიყენება ორარხიანი ცენტრალური ვენური კათეტერი, რომელიც საუღლე, ბარძაყის ან ლავიწქვეშა ვენაში თავსდება. ვიყენებთ როგორც ხანმოკლე, ისე ხანგრძლივ კათეტერებს, შემდგომში კი ოპერაციიდან 3-6 კვირის გასვლის შემდეგ არტერიო–ვენური ფისტულის/პროთეზის პუნქცია ინიშნება.
ჩვენს კლინიკაში ასევე წარმატებით ხორციელდება ამბულატორიული პაციენტების მიღებაც. მიმართვიანობა საკმაოდ მაღალია.
_ რამდენად მნიშვნელოვანია თირკმლის ჯანსაღად ფუნქციონირება და რომელია თირკმლის დაავადებები?
_თირკმელს სასიცოცხლო მნიშვნელობა აქვს ადამიანისთვის. ეს ორგანო წარმოადგენს სისხლძარღვებისა და მილაკების რთულ ქსელს, რომელიც სისხლს ნარჩენი პროდუქტებისა და ჭარბი წყლისგან ფილტრავს – არეგულირებს სითხის, ელექტროლიტებისა და მჟავა–ტუტოვან ბალანსს ორგანიზმში.
ნეფროლოგიურ დაავადებებს მიეკუთვნება:
- თირკმლის სისხლძარღვების დაავადებები;
- თირკმლის უკმარისობა;
- თირკმლის ინფექციები;
- ტოქსინებისა და მედიკამენტებისგან გამოწვეული თირკმლების დაზიანება;
- ნეფრიტული და ნეფროზული სინდრომები და სხვა.
_გასაგებია. ასევე საინტერესოა, როგორია დიაგნოსტირებისა და მკურნალობის მეთოდები?
_ თირკმლის პათოლოგიის დიაგნოსტირების მეთოდებია შარდის საერთო ანალიზი, ექოსკოპია, ლაბორატორიული ტესტები.
ყურადსაღებია შემდეგი სიმპტომები:
- დიურეზის შემცირება (შარდის შემცირება);
- შარდის მუქი შეფერილობა;
- შეშუპება სახისა და კიდურების არეში;
- მაღალი არტერიული წნევა (ჰიპერტენზია);
- შარდში ცილისა და ერითროციტების მაღალი მაჩვენებელი;
- სახსრების ტკივილი;
- ტკივილი წელის არეში.
ამ სიმპტომების შემთხვევაში პაციენტმა უნდა მიმართოს ნეფროლოგიისა და ჰემოდიალიზის ცენტს და ისარგებლოს ნეფროლოგის კონსულტაციით.
კლინიკის მაღალკვალიფიციური ნეფროლოგები თირკმლის დაავადებებს მკურნალობენ როგორც ამბულატორიულ, ისე სტაციონარულ რეჟიმში.
ჩვენს კლინიკაში ასევე წარმატებით ხორციელდება ამბულატორიული პაციენტების მიღებაც. მიმართვიანობა საკმაოდ მაღალია.
ბოლო 3 წლის განმავლობაში ცენტრი მუდმივად იზრდება და ვითარდება. კლინიკის პროფესიონალთა გუნდს უამრავი მადლიერი პაციენტი ჰყავს, მათი წყალობით არაერთი ადამიანი გადაურჩა სიკვდილს.
თირკმლის პრობლემებისა და მკურნალობის საჭიროების შემთხვევაში მოგვმართეთ:
📥ქ. ქუთაისი. გ.ტაბიძის 72-დ
🌐https://nhoge.com/
📅 ვიზიტის დაგეგმვის ან დამატებითი ინფორმაციისთვის მოგვწერეთ, ან დაგვიკავშირდით:
☎551166516
📧help@nhoge.com
