ოკუპირებული ტერიტორიიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე მალავის რესპუბლიკის საპარლამენტო დელეგაციას შეხვდა.
თამარ გაბუნიამ, მალავი-საქართველოს საპარლამენტო მეგობრობის ჯგუფის წევრებს, სამინისტროს მუშაობის სპეციფიკა და უწყების პრიორიტეტები გააცნო. მათ შორის, ყურადღება გაამახვილა ონკოლოგიური დაავადებების სამკურნალო პროგრამებზე, ქვეყანაში, ჯანდაცვის სექტორის დიჯიტალიზაციის პროცესზე. ასევე – C ჰეპატიტის ელიმინაციის წარმატებულ პროგრამაზე.
თამარ გაბუნიამ, დელეგაციის წევრებს დევნილთა განსახლების, სოციალური და შრომის მიმართულებით განხორციელებული, თუ მიმდინარე პროექტებიც გააცნო.
მალავი-საქართველოს საპარლამენტო მეგობრობის ჯგუფის წევრებმა, მინისტრის მოადგილეს მადლობა გადაუხადეს ინფორმაციისა და გამოცდილების გაზიარებისთვის. მხარეებმა, სამომავლო ურთიერთობის პერსპექტივებიც განიხილეს.
შეხვედრას, ასევე, ესწრებოდა ჯანდაცვის სამინისტროს სტრატეგიული განვითარებისა და ანალიტიკის დეპარტამენტის უფროსი ლელა სულაბერიძე.
#datashvil #drpkhakadze #sheniganatleba #sheniambebi #sheniekimi
მასალის გამოყენების პირობები
