სამედიცინო დაწესებულებათა რეაბილიტაციისა და აღჭურვის 2024 წლის სახელმწიფო პროგრამის ფარგლებში 37.1 მლნ ლარი გამოიყო.
პრემიერ-მინისტრ ირაკლი კობახიძის მიერ ხელმოწერილი დადგენილების თანახმად, პროგრამის ბიუჯეტი, კომპონენტების მიხედვით, განისაზღვრა შემდეგნაირად:
- სსიპ – საგანგებო სიტუაციების კოორდინაციისა და გადაუდებელი დახმარების ცენტრის საჭიროებებისათვის საპროექტო/სარემონტო/სამშენებლო სამუშაოების შესყიდვა – 8 მლნ ლარი;
- „ინფექციური პათოლოგიის შიდსისა და კლინიკური იმუნოლოგიის სამეცნიერო-პრაქტიკული ცენტრის“ ფუნქციონირების უწყვეტობის უზრუნველსაყოფად – 3.7 მლნ ლარი;
აქედან, ინფექციური საავადმყოფოსთვის გამოყოფილი თანხა ასე ნაწილდება:
- საიჯარო გადასახადის დაფინანსება – 734.5 ათასი ლარი;
- შენობის აღჭურვა – 1.8 მლნ ლარი;
- ალტერნატიული ქსელის მოწყობის სამუშაოების შესყიდვა – 860 ათასი ლარი;
- ქონების გადასახადისა და საერთაშორისო აკრედიტაციის მომსახურების მიღების დაფინანსება – 386 ათასი ლარი.
საქართველოს სამედიცინო ჰოლდინგის მართვაში არსებული სამედიცინო დაწესებულებების:
- აღჭურვა – 9.01 მლნ ლარი;
- რეაბილიტაცია/პროექტირება/მშენებლობა – 6.5 მლნ ლარი.
- პროგრამის ადმინისტრირება – 400 ათასი ლარი;
- მიუსაფართა დროებითი თავშესაფრების, ფსიქიატრიული და ადიქტოლოგიური სერვისების მიმწოდებელი დაწესებულებების საპროექტო/სამშენებლო/სარემონტო სამუშაოებისა და აღჭურვილობის შესყიდვა – 7.5 მლნ ლარი;
- სამინისტროს სისტემაში შემავალი დაწესებულებების ფუნქციონირების ხელშეწყობა – 1.8 მლნ ლარი.
დადგენილება ძალაში 4 ივნისს შევიდა.
