კურდღლის ტუჩი

0
29

კურდღლის ტუჩი – თანდაყოლილი დაავადება, რომელსაც ახასიათებს ზედა ყბის ქსოვილების განვითარების შეფერხება და ზედა ტუჩზე ნაპრალი. 
ჩვეულებრივ, კურდღლის ტუჩის პრობლემით დაბადებულ ბავშვებში გვხვდება ასევე ყბა-სახის დეფექტი, როგორიცაა მაგალითად მგლის ხახა. კურდღლის ტუჩის დეფექტის გამოსწორება ხდება ბავშვის სიცოცხლის პირველი 6 თვის მანძილზე, თუ არ არსებობს რაიმე ხელის შემშლელი ფაქტორი ოპერაციის ჩატარებისთვის ან ბავშვი დღენაკლული არ არის. შემთხვევების 85-90%-ში ოპერაცია დადებით შედეგს იძლევა.
 
მიზეზები
დაავადება ჩნდება გენურ დონეზე მუტაციის განცდით. კურდღლის ტუჩის ნიშნები ვითარდება ფეხმძიმობის პერიოდში და მას იწვევს:
·         ტოქსიკოზი;
·         ძლიერი სტრესი;
·         ალკოჰოლისა და ნარკოტიკული ნივთიერებების გამოყენება;
·         მოწევა;
·         ანტიბიოტიკების ხანგრძლივი მიღება;
·         რადიაციული დასხივება;
·         გვიან ასაკში ფეხმძიმობა (35-40 წელი).
ჩამოთვლილი ფაქტორები ყველაზე დიდ საშიშროებას ბავშვისთვის წარმოადგენენ ფეხმძიმობის პირველი 2 თვის მანძილზე.
 
სიმპტომები
აღნიშნულ დეფექტს ახასიათებს შემდეგი სახის სიმპტომები:
·         სახის დეფორმაცია;
·         ნაპრალი ზედა ან ქვედა ტუჩის არეში;
·         ყლაპვისა და წოვის პროცესის დარღვევა;
·         კბილების დეფორმაცია;
·         მეტყველების ფუნქციის მოშლა.
 
დიაგნოსტიკა
დიაგნოსტიკას ატარებს პლასტიკური ქირურგი, რისთვისაც საჭიროა პაციენტის საერთო დათვალიერება.
 
მკურნალობა
დაავადების მკურნალობა ხდება ბავშვის დაბადებიდან პირველი 6 თვის მანძილზე. უფრო ადრეული ოპერაციები კეთდება განსაკუთრებული დაღვევების შემთხვევაში, მათ შეიძლება თან ახლდეს დიდი რაოდენობით სისხლის დაკარგვა. კურდღლის ტუჩის მოსაშორებლად არსებობს ოპერაციის რამოდენიმე ფორმა:
·         ჰეილოპლასტიკა – ნაპრალიანი ტუჩის აღდგენა სრული ანატამიური და ესთეტიკური შედეგის მისაღებად;
·         რინოჰეილოპლასტიკა – გულისხმობს ნაპრალიანი ტუჩის, ცხვირის ძგიდეების, პირის ღრუს ანომალიურად განვითარებული კუნთების კორექციას;
·         რინოჰეილოგნატოპლასტიკა – პლასტიკასთან ერთად ამ შემთხვევაში შედის ალვეოლიარული წანაზარდის დეფექტებისა და ზედა ყბის განუვითარებელი ნაწილის კორექციაც.
 
პროფილაქტიკა
რეკომენდირებულია:
·         ჯანსაღი ცხოვრების წესის ქონა – განსაკუთრებით ფეხმძიმობის დროს;
·         სტრესული სიტუაციებისთვის თავის არიდება;
·         სამკურნალო პრეპარატების მიღება მხოლოდ ექიმის კონტროლის ქვეშ.

მასალის გამოყენების პირობები
author avatar
Dr Giorgi Pkhakadze
პროფესორი გიორგი ფხაკაძე, მედიცინის დოქტორი, საზოგადოებრივი ჯანდაცვის მაგისტრი, ფილოსოფიის მეცნიერებათა დოქტორი ანთროპოლოგიისა და საზოგადოებრივი ჯანდაცვის საკითხებში. “შენი ექიმი"-ს დამფუძნებელი. #drpkhakadze #sheniekimi

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ