ათერომა

0
40
xr:d:DAGB6Ox9z7A:12,j:3789077500014589190,t:24040909

ათერომა – ეს არის ცხიმიანი ჯირკვლის კისტა, რომელიც შევსებულია ხაჭოსებრი შიგთავსით და აქვს უსიამოვნო სუნი. ეს კეთილთვისებიანი სიმსივნე შეიძლება სხულის ნებისმიერ ნაწილზე გაჩნდეს, სადაც არის ცხიმიანი ჯირკვლები, მაგრამ ლოკალიზაციის ყველაზე ხშირი ადგილებია: სახე, ყელი, ზურგი, თეძოები, ფეხები. ზოგჯერ ერთდროულად რამოდენიმე ასეთი კისტა წარმოიშობა. დაავადება აღენიშნებათ როგორც ბავშვებს, ისე ზრდასრულებს.

მიზეზები
ათერომის წარმოშობის ძირითადი მიზეზებია:
·                     ცხიმიანი ჯირკვლების გამტარობის დახშობა;
·                     თმის ფოლიკულის შეშუპება;
·                     ჯირკვლის სადინარების დამაზიანებელი ტრამვა;
·                     მაპროვოცირებელი ფაქტორებია: ნივთიერებათა ცვლის დარღვევა, ტესტოსტერონის მაღალი დონე, კანის მაღალი ცხიმიანობა.

ათერომას სიმპტომები
პირველად ათერომას აქვს შემდეგი სიმპტომები:
·                     კანქვეშ ხდება მსხვილი წარმონაქმნის პალპაცია. მისი ზომები ვარირებს ლობიოს მარცვლიდან თხილის ზომამდე;
·                     ახასიათებს ტკივილი, სიწითლე, სხეულის ტემპერატურის აწევა;
მეორადი ათერომა, რომელსაც ასევე უწოდებენ ცხიმოვანი ჯირკვლების რეტენციულ კისტას, წარმოიქმნება სახეზე, ცხვირის ნესტოებზე, ზურგზე და დუნდულებზე. ეს ათერომა მოლურჯო ფერისაა და ფარულად წყლულში გადადის.

დიაგნოსტიკა
დიფერენციალური დიაგნოსტიკა ტარდება კანის ავთვისებიანი წარმონაქმნებით, კარბუნკულით და აბსცესით.

ათერომას მკურნალობა
როგორ უნდა მოხდეს დაავადების მკურნალობა, წყვეტს მხოლოდ ექიმი. არსებობს რამოდენიმე ქირურგიული მეთოდი, რომლის მიხედვითაც ტარდება მკურნალობა:
·                     ათენორმას მოცილების პირველი მეთოდი: ხსნიან წანაზარდს, გამოდევნიან შიგთავსს, შემდეგ აცილებენ კისტის კაფსულას;
·                     მეორე მეთოდი: კისტას კვეთნ გარსთან ერთად;
·                     მესამე მეთოდი: ფრთხილად კვეთენ ათერომას გარსთან ერთად ჯანმრთელი კანის ფარგლებამდე.
ოპერაცია, რომლის დროსაც ხდება ათერომას მოკვეთა, ტარდება ადგილობრივი გაუმტკივარებით. ოპერაციის ღირებულება დამოკიდებულია შერჩეულ მეთოდზე, ათერომას ზომასა და მისი ლოკალიზაციის ადგილზე.

დიეტა
რეციდივირებადი ათერომას შემთხვევაში საჭიროა დიეტის დაცვა ცხიმებისა და ნახშირწყლების შემცირებით.

საშიშროება
·                     ათერომები ხშირად წყლულდება. ამის მიზეზი არის ის ცხიმიანი ჯირკვლები, რომლებიც შესანიშნავი ადგილია ლპობითი მიკრობების გასამრავლებლად;
·                     მკურნალობის გარეშე წანაზრდი იზრდება და აზიანებს კანის ჯანსაღ ნაწილს;
·                     სიმსივნე შეიძლება გადაიზარდოს ავთვისებიანში.

რისკის ჯგუფი
·                     მამაკაცები 20-35 წლის ასაკში (ნივთიერებათა ცვლის განსაკუთრებულობის გამო);
·                     ავადმყოფები, რომლებსაც აღენიშნებათ კანის სებორეული ცვლილება და ჭარბი ჩირქოვანი გამონაყარი;
·                     ადამიანები, რომლებიც უპირატესობას ანიჭებენ ცხიმიან და შემწვარ საკვებს.

პროფილაქტიკა
·                     სახის კოსმეტიკური წმენდა – საუკეთესო პროფილაქტიკაა ჯირკვლების ბლოკირება;
·                     პირადი ჰიგიენის დაცვა;
·                     ცხიმიანი საკვების გამოყენების შემცირება.

მასალის გამოყენების პირობები
author avatar
Dr Giorgi Pkhakadze
პროფესორი გიორგი ფხაკაძე, მედიცინის დოქტორი, საზოგადოებრივი ჯანდაცვის მაგისტრი, ფილოსოფიის მეცნიერებათა დოქტორი ანთროპოლოგიისა და საზოგადოებრივი ჯანდაცვის საკითხებში. “შენი ექიმი"-ს დამფუძნებელი. #drpkhakadze #sheniekimi

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ